Mme Ntọt

◼ Mme n̄wed ẹnọde ke February: Afo Emekeme Ndidu Uwem ke Nsinsi ke Paradise ke Isọn̄ (akamba udomo, ₦150; ekpri udomo, ₦75). Ekpenyene ndinam mfiakn̄ka ke ẹma ẹkenịm n̄wed emi, ndien ẹkpenyene ndisịn ukeme nditọn̄ọ mme ukpepn̄kpọ Bible. March: Ikọmbakara ye Efịk​—Ediyarade​—Ubọn̄ Ubọn̄ Ata-Utịt Esie Emekpere! Ukpụhọde n̄wed ẹnọde: Questions Young People Ask​—Answers That Work. Nnyịn iyafiak inọ n̄wed Survival ye God’s Word ke usụhọde ekọmurua. Mme usem eken​—N̄wed Mi eke Mme Mbụk Bible ye Afo Emekeme Ndidu Uwem ke Nsinsi ke Paradise ke Isọn̄. April ye May: Kpukpru usem​—Etịbe Enyọn̄-Ukpeme.

◼ Ewetn̄wed ye esenyịn utom ekpenyene ndidụn̄ọde utom kpukpru mme asiakusụn̄ ofụri ini. Edieke edide odu owo ekededi oro enyenede mfịna ndisịm hour oro ẹyomde, mbiowo ekpenyene ndidiomi ndinọ un̄wam. Kaban̄a mme ekikere oro ẹnọde, fiak dụn̄ọde mme leta N̄ka (S-201) eke October 1, 1993, ye October 1, 1992. N̄ko, se ikpehe ekikere 12-20 ke esịne-esịt Utom Obio Ubọn̄ Nnyịn eke September 1986.

◼ Edinịm usọrọ Editi ke Friday, April 14, 1995. Okposụkedi ẹkemede ndibak ntọn̄ọ utịn̄ikọ, mbọk ẹti ẹte ke edimen bred ye wine Editi nsan̄a n̄kanade ikpenyeneke nditọn̄ọ tutu ke utịn ama okosụhọde. Dụn̄ọde ye itieutom n̄kann̄kụk man ebiere ini utịn osụhọrede ke ikpehe n̄kan̄ mbufo. Owo inyeneke ndinịm mbonoesop efen usen oro ibọhọke mme mbono an̄wautom. Edieke esop mbufo esinyenede mme mbonoesop ke Friday, mbufo ẹmekeme ndisio mmọ nnịm usen en̄wen ke urua oro edieke ufan̄ odude ke Ufọkmbono Obio Ubọn̄.

◼ Mme asuanetop oro ẹdimade ndinam utom nte mme asiakusụn̄ unọ un̄wam ke March, April, ye May ẹkpenyene ndinam ndutịm mmọ idahaemi nnyụn̄ mbak nsịn n̄wed eben̄e mmọ. Emi eyen̄wam mbiowo ndinam mme ndutịm oro ẹyomde nnọ an̄wautom nnyụn̄ nnam mme n̄wed ẹdu ekem.