N̄kpọ Editi Ẹnọde Ewetn̄wed ye Esenyịn Utom
Ntọt ke nsiondi Utom Obio Ubọn̄ Nnyịn eke February isua kiet kiet esiteme ewetn̄wed ye esenyịn utom “ndidụn̄ọde utom kpukpru mme asiakusụn̄ ofụri ini.” Nso idi uduak ndụnọde emi? Emi edi man ẹbiere m̀mê mmanie ẹyom un̄wam man ẹsịm ibat hour oro ẹyomde mbemiso isua utom osịmde utịt.
Ẹyom mme asiakusụn̄ ofụri ini ẹsịn hour 1,000 ke utom ukwọrọikọ ke isua kiet kiet. Etisịm utịt February, ndusụk mme asiakusụn̄ ẹsikụt ke eke mmimọ osụhọde, ndien emi ekeme ndida n̄kosụn̄ọ ke mmemidem. Mbiowo ẹkeme ndin̄wam mme asiakusụn̄ kpukpru ini, ẹnọde mmọ nsịnudọn̄ ye nti ekikere. Emi ekeme ndinam n̄kpọ ndibiere m̀mê mme asiakusụn̄ ẹyekụt unen ke ndisịm se ẹyomde ẹto mmọ ke isua m̀mê ndikpọn̄ utom usiakusụn̄.
Mme asiakusụn̄ ẹyema eti edikere mban̄a oro mbiowo ẹwụtde ke afan̄ emi. Esop n̄ko ọyọbọ ufọn ebe ke ndinyene mme asiakusụn̄ oro ẹkopde inemesịt ke utom ukwọrọikọ mmọ, ẹsọn̄ọde ẹnam utom mmọ ke edinam akpanikọ.