Mme Ntọt
◼ Mme n̄wed ẹnọde ke February: Efịk, Igbo, ye Ikọmbakara—Edide Ndinam Uwem Ufọk Fo Enem ke ₦80 m̀mê Ediyarade—Ubọn̄ Ubọn̄ Ata-Utịt Esie Emekpere! ke ₦240. Mme usem eken—Edide Ndinam Uwem Ufọk Fo Enem ke ₦80 m̀mê Afo Emekeme Ndidu Uwem ke Nsinsi ke Paradise ke Isọn̄ (akamba udomo ₦240; ekpri udomo ₦120). March: Ifiọk Oro Adade Osịm Nsinsi Uwem. April ye May: Editobo Enyọn̄-Ukpeme m̀mê Awake! Ke efakutom oro ẹsinamde utom ndien ndien, ẹkeme ndikama ediye uduot ekpri n̄wed ekededi (ibọhọke ndiye uduot n̄kpri n̄wed Education ye School). Ke ebiet emi ẹkụtde udọn̄ ke mme mfiakn̄ka, ẹkeme ndinọ mme editobo. TỊMFIỌK: Mme esop oro ẹdiyomde mme n̄wed ubịnikọt oro ẹsiakde ke enyọn̄ emi ẹkpenyene ndinọ eben̄e mmọ ẹdi ke Literature Order Form (S-14) eke ọfiọn̄ ke ọfiọn̄ mmọ efen.
◼ Ewetn̄wed ye esenyịn utom ẹkpenyene ndidụn̄ọde utom kpukpru mme asiakusụn̄ ofụri ini. Edieke owo ekededi enyenede mfịna ndisịm ibat hour oro ẹyomde, mbiowo ẹkpenyene ndidiomi ndinọ un̄wam. Fiak dụn̄ọde mme akpan n̄kpọ ke ikpehe ekikere 12-20 ke esịne-esịt Utom Obio Ubọn̄ Nnyịn eke September 1986.
◼ Ẹdinịm usọrọ Editi ke Tuesday, April 2, 1996. Okposụkedi ẹkemede ndibak ntọn̄ọ utịn̄ikọ, mbọk ẹti ẹte ke edimen bred ye wine Editi nsan̄a n̄kanade ikpenyeneke nditọn̄ọ ibọhọke ke utịn ama okosụhọde. Dụn̄ọde ye itieutom n̄kann̄kụk man ebiere ini utịn osụhọrede ke ikpehe n̄kan̄ mbufo. Owo inyeneke ndinịm mbonoesop efen usen oro ibọhọke mme mbono an̄wautom. Edieke esop mbufo esinyenede mme mbonoesop ke Tuesday, mbufo ẹmekeme ndisio mmọ nnịm usen en̄wen ke urua oro edieke ufan̄ odude ke Ufọkmbono Obio Ubọn̄.
◼ Mme asuanetop oro ẹdimade ndinam utom nte mme asiakusụn̄ unọ un̄wam ke March, April, ye May ẹkpenyene ndinam ndutịm mmọ idahaemi nnyụn̄ mbak nsịn n̄wed eben̄e mmọ. Emi eyen̄wam mbiowo ndinam mme ndutịm oro ẹyomde nnọ an̄wautom nnyụn̄ nnam mme magazine ye mme n̄wed eken ẹdu ẹkem.
◼ Mme N̄wed Ẹdude Idahaemi:
Efịk, Igbo, Isoko, ye Yoruba: Ifiọk Oro Adade Osịm Nsinsi Uwem. Hausa: Ifiọk Oro Adade Osịm Nsinsi Uwem; Nte Afo Ekpenyene Ndinịm Abasi-Ita-ke-Kiet ke Akpanikọ? Igala: Spirit Mme Akpan̄kpa—Nte Mmọ Ẹkeme Ndin̄wam Fi m̀mê Ndinọ Fi Unan? Nte Mmọ Ẹnen̄ede Ẹdu? Tiv: Ifiọk Oro Adade Osịm Nsinsi Uwem; Nso Idi Uduak Uwem?—Didie ke Afo Ekeme Ndikụt Enye?; Ukara Emi Edidade Paradise Edi.