Mme Ntọt
◼ Mme n̄wed ẹnọde ke June: Ifiọk Oro Adade Osịm Nsinsi Uwem ke ₦80. Edieke enyeoro mîdụhe, ẹkama Akakan Owo Oro Akanam Odude Uwem ke ₦240 m̀mê Mankind’s Search for God ke ₦120, m̀mê n̄wed ekededi oro enyenede page 192. July ye August: Ẹkeme ndikama ekededi ke otu ndiye uduot n̄kpri n̄wed oro ẹnyenede page 32 ẹtienede mi: Dara Uwem ke Isọn̄ ke Nsinsi!, Ke Ini Owo Oro Afo Amade Akpade, Nso Idi Uduak Uwem? Didie ke Afo Ekeme Ndikụt Enye?, Nte Abasi Enen̄ede Ekere Aban̄a Nnyịn?, Nte Afo Ekpenyene Ndinịm Abasi-Ita-ke-Kiet ke Akpanikọ?, “Sese! Mmanam Kpukpru N̄kpọ Ẹdi Mbufa,” Spirit Mme Akpan̄kpa—Nte Mmọ Ẹkeme Ndin̄wam Fi m̀mê Ndinọ Fi Unan? Nte Mmọ Ẹnen̄ede Ẹdu?, ye Ukara Emi Edidade Paradise Edi. Ke ebiet odotde, ẹkeme ndinọ utọ ndiye uduot n̄kpri n̄wed nte Our Problems—Who Will Help Us Solve Them? ye Will There Ever Be a World Without War? TỊM FIỌK: Mme esop oro ẹdiyomde mme n̄wed ubịnikọt oro ẹsiakde ke enyọn̄ emi ẹkpenyene ndinọ eben̄e mmọ ẹdi ke Literature Order Form (S-14) eke ọfiọn̄ ke ọfiọn̄ mmọ efen.
◼ Ọtọn̄ọde ke urua September 9, 1996, nnyịn iyefiak ikekpep n̄wed Ndidiana Kiet ke Utuakibuot Ata Abasi Kierakiet ke Ukpepn̄kpọ N̄wedesop.
◼ Esenyịn oro etiede ibuot m̀mê owo en̄wen oro enye emekde ekpenyene ndidụn̄ọde ibatokụk esop ke June 1 m̀mê usọp usọp nte ekekeme ke oro ebede. Tọt esop ke ẹma ẹkenam emi.
◼ Man ẹnam enen̄ede emem N̄ka utom ndise mban̄a mme leta fo, afo ekpenyene ndinam se itienede ẹmi: (1) Wet enyịn̄ fo ye adres ke enyọn̄ mben nnasia leta fo. (2) Sịn ubọk ke utịt leta fo, nyụn̄ wet enyịn̄ fo ke idak itie oro esịnde ubọk sia ekemede ndidi nnyịn idifiọkke m̀mê ndikeme ndikot edisịn ubọk oro afo esịnde. Owo isidaha mme leta oro owo mîsịnke ubọk m̀mê oro owo mîwetke enyịn̄ ke akpan n̄kpọ sia owo mîfiọkke m̀mê edi akpanikọ. Edieke edide atataip leta fo, afo ukpenyeneke nditaip enyịn̄ fo kpọt ke idak oro, koro owo ekededi ekeme nditaip leta onyụn̄ ataip enyịn̄ fo ke utịt. Afo ekpenyene ndisịn ubọk ke enyọn̄ enyịn̄ oro ataipde. Mbemiso ọnọde leta ekededi ẹsọk N̄ka, mbọk fiak se enye ọyọhọ ikaba ndikụt ke amanam n̄kpọ iba ẹtịn̄de ke enyọn̄ emi.