Ekebe Mbụme

◼ Nso ke ẹkpenam ke ini owo emi ẹkenọde utịn̄ikọ an̄wa okpude ndidi mbonoesop ke eti ini?

Ke ini ke ini, mme idaha oro owo mîkemeke ndinyan̄a ẹkeme ndikpan eyenete ndidi ndisịm ke eti ini man edinọ utịn̄ikọ esie oro ẹma ẹkediomi. Edieke ntak odude ndinịm ke akpanikọ nte ke enye eyedisịm ke mîbịghike, mbiowo ẹkeme ndibiere ndika iso ye Ukpepn̄kpọ Enyọn̄-Ukpeme; An̄wan̄wa Mbonoesop ekeme nditiene ke oro ebede. Nso edieke anade in̄wan̄în̄wan̄ nte ke etịn̄ikọ ididịghe? Eyedi kiet ke otu etịn̄ikọ n̄kann̄kụk ekeme ndinọ utịn̄ikọ ekededi oro enye ama okototịm idem.

Nte ido edide mbemiso ntịmidem emi ẹnamde ye ntịn̄enyịn esibiọn̄ọ mfịna emi. Owo emi esede aban̄a utịn̄ikọ an̄wa ekpenyene ndisobo ye etịn̄ikọ kiet kiet ke nsụhọde n̄kaha urua kiet ke mbemiso man eti enye aban̄a se ẹkenọde enye anam. Editi oro ekpenyene ndisịne ini mbonoesop, adres Ufọkmbono Obio Ubọn̄, ye in̄wan̄în̄wan̄ ndausụn̄ ke nte ẹkemede ndidiọn̄ọ ufọkmbono oro. Etịn̄ikọ enyene nditịm n̄wet kpukpru n̄kpọ ẹmi nnịm. Enye ekpenyene ndida se ẹnọde ẹnam ke akpan n̄kpọ, anamde mme ukpụhọde ekededi oro oyomde ke ọkpọkpọ mbubehe esie man enye ekeme ndiyọhọ mbiomo esie. Edieke n̄kpọ oro owo mîkemeke ndinyan̄a oro edikpande enye ndinam oro otịbede, enye ekpenyene ndisobo usọp usọp ye andise n̄kpọ mban̄a utịn̄ikọ an̄wa man ẹkeme ndidiomi owo efen ndinọ. Ẹkpenyene ndisịn ofụri ukeme man ẹfep edibiat mfep ke ini ama okokụre. Edieke etịn̄ikọ ebịghide ndidi ndien edibiatde minit ifan̄ mbemiso edide, enye ekeme ndidomo ndinọ usọp usọp etop ẹsọk mbiowo ke Ufọkmbono Obio Ubọn̄ man nditọete ẹdiọn̄ọ nte ẹkpetọn̄ọde.

Esịtekọm kaban̄a utịn̄ikọ an̄wa ẹnọde owo, eti mbemiso ntịmidem ye mme n̄kpọ editi, ye editịm nse enyịn ẹkeme ndinam ẹsọn̄ọ ẹnịm ke akpanikọ nte ke esop eyedara utịn̄ikọ an̄wa emi ọnọde ufọn kpukpru urua.