Ekebe Mbụme

◼ Nso ke nnyịn ikpenyene ke ekikere ke ini iwetde mme leta inọ mme enyeneufọk ẹmi nnyịn mîsikemeke ndikụt ke ufọk?

Kaban̄a nsio nsio ntak, ke ndusụk ebiet etetịm edi ọkpọsọn̄ n̄kpọ ndisobo mme owo ke ini iwahade mme ufọk mmọ. Ndusụk asuanetop ẹkụt nte ediwet leta edide eti usụn̄ ndisịm mmọ. Ke adan̄aemi emi ekemede ndida ndusụk nti utịp ndi, oyom nnyịn ikere iban̄a ndusụk n̄kpọ editi oro ẹkemede ndin̄wam nnyịn ifep ndusụk mfịna:

Kûda adres oro owụtde ke ẹdinọ ibọrọ ẹsọk N̄ka. Emi nte mîdotke ediwụt ke ọfis nnyịn ọkọnọ leta oro aka, anamde mme mfịna oro mîdotke ẹdu ye ubiatokụk efen efen ke ndusụk ini.

Kụt ete imenyene nnennen adres ye okụk ekemde ndida leta oro n̄ka.

Kûnọ leta aka ebịne “Andidụn̄”; da ataata enyịn̄.

Kûkpọn̄ mme leta ubon ke enyịnusụn̄ ke ini owo mîdụhe ke ufọk.

Mbio mbio leta ẹfọn ẹkan. Sịn tract utu ke ndidomo ndiwet anyan etop.

Leta oro ẹtaipde-taip ẹmem utom ndikot ẹkan ẹnyụn̄ ẹtụk owo ẹkan.

Owo ibatke mme leta nte mfiakn̄ka ibọhọke afo ke idemfo ama ebebem iso ọnọ owo oro ikọ ntiense.

Edieke afo ewetde ọnọ owo emi okowụtde udọn̄ ke mbemiso, afo ekpenyene ndisịn adres m̀mê nọmba urụk ukopikọ man ekeme ndisobo ye afo. Nam ndutịm ukpepn̄kpọ Bible nnyịn an̄wan̄a.

Nọ enye ikot ndidụk mme mbonoesop ke esop n̄kann̄kụk. Nọ adres ye mme ini mbonoesop.

Kûka iso ndinọ mme leta ẹsọk mbon oro mîsidụhe ke ufọk ke ama ọkọkpọn̄ efakutom ọnọ; asuanetop oro akamade efakutom oro ini oro enyene mbiomo ndinam utom ke enye.