Mme Ntọt
◼ Mme n̄wed ẹnọde ke January ye February: Efịk ye Hausa—Edide Afo Emekeme Ndidu Uwem ke Nsinsi ke Paradise ke Isọn̄ m̀mê Ata Emem ye Ifure—Oto Itie Ewe? Igbo—Afo Emekeme Ndidu Uwem ke Nsinsi ke Paradise ke Isọn̄, Ndimek Mfọn N̄kan Usụn̄uwem, True Peace and Security—How Can You Find It?, m̀mê Uyen Fo—Ndibö se Itimde Ifön Ikan nto Enye. Ikọmbakara—Edide Survival Into a New Earth m̀mê The Bible—God’s Word or Man’s? Isoko—Afo Emekeme Ndidu Uwem ke Nsinsi ke Paradise ke Isọn̄. Yoruba—Afo Emekeme Ndidu Uwem ke Nsinsi ke Paradise ke Isọn̄, Happiness—How to Find It, Nte Uwem Emi Edi Ukụre se Idude?, m̀mê Uyen Fo—Ndibö se Itimde Ifön Ikan nto Enye. (Ẹdinọ kpukpru n̄wed eke enyọn̄ emi ẹnyenede page 192 ke usụhọde etịbe edide ₦50 [ekọmurua asiakusụn̄, ₦40]; n̄wed Ndidu Uwem ke Nsinsi ke Efịk, Hausa, Igbo, Isoko, ye Yoruba edi ₦80 [ekọmurua asiakusụn̄, ₦50]. Ẹma ẹnọ leta ẹsọk kpukpru otu mbiowo kaban̄a emi ke May.) March: Ukpọhọde Inemesịt Ubon. April: Editobo Enyọn̄-Ukpeme. Ke efakutom oro ẹnamde utom ndien ndien, ẹkeme ndikama obufa ediye uduot ekpri n̄wed oro, Nso ke Abasi Oyom Oto Nnyịn? TỊM FIỌK: Mme esop oro ẹdiyomde mme n̄wed ubịnikọt oro ẹsiakde ke enyọn̄ emi ẹkpenyene ndinọ eben̄e mmọ ẹdi ke Literature Order Form (S-14) eke ọfiọn̄ ke ọfiọn̄ mmọ efen.
◼ Ẹyenọ kpukpru asuanetop ẹmi ẹma ẹkena baptism ẹmi ẹdụkde Esoputom ke urua January 6 kad Advance Medical Directive/Release ẹnyụn̄ ẹnọ nditọ mmọ Identity Card.
◼ Ọtọn̄ọde ke February, ndien ibịghike ikan March 2, obufa utịn̄ikọ an̄wa mme esenyịn circuit edidi “Da Ubọ Ukpep Toro Jehovah.”
◼ Mme esop ẹkpenyene ndinam ndutịm oro ẹdotde ndinịm Editi isua emi ke Sunday, March 23, ke utịn ama okosụhọde. Okposụkedi ẹkemede ndibak ntọn̄ọ utịn̄ikọ, edimen mme n̄kpọ idiọn̄ọ Editi nsan̄a n̄kanade ikpenyeneke nditọn̄ọ ibọhọke ke utịn ama okosụhọde. Ẹdụn̄ọde ye itieutom n̄kann̄kụk man ẹbiere ini utịn esisụhọrede ke edem mbufo. Sia owo mînyeneke ndinịm mme mbonoesop efen ke usen oro ibọhọke mbono an̄wautom, ẹkpenyene ndinam ukpụhọde oro odotde man ẹnịm Ukpepn̄kpọ Enyọn̄-Ukpeme ini en̄wen. Oyoyom mme esenyịn circuit ẹkpụhọ ndutịm mbonoesop mmọ ke urua oro nte ekemde ye mme idaha n̄kann̄kụk. Okposụkedi esop kiet kiet akpamade ndinịm usọrọ Editi esie, emi ekeme ndidi ididịghe mmemmem n̄kpọ kpukpru ini. Ke ebiet emi ediwak esop ẹsidade Ufọkmbono Obio Ubọn̄ ẹnam n̄kpọ, ndusụk esop kiet m̀mê awakde akan oro ekeme ndibọ itie efen ndida nnam n̄kpọ ke mbubịteyo oro. Editi ikpọtọn̄ọke ke ata idiọk ini tutu eyedi se mîfereke inọ mbufa owo oro ẹnyenede udọn̄ ndidụk. Ndutịm ikpafahake ikaha tutu ini idụhe ndikọm isenowo mbemiso m̀mê ke ẹma ẹkekụre edinam, ndinam mme ndutịm kaban̄a n̄kaiso un̄wam eke spirit nnọ mbon ẹnyenede udọn̄, m̀mê ndidara nsịnudọn̄ ofụri owo. Ke ẹma ẹkekere ọyọhọ ọyọhọ ẹban̄a kpukpru n̄kpọ oro ẹbuanade, mbiowo ẹkpenyene ndibiere m̀mê mme ndutịm ewe ẹdinam mbon oro ẹdụkde Editi ẹbọ ufọn ọyọhọ ọyọhọ ẹto edinam oro.
◼ Ẹyenọ akpan utịn̄ikọ an̄wa ini Editi eke 1997 ke Sunday, April 6. Ẹyenọ n̄wed utịn̄ikọ. Mme esop oro ẹnyenede edidi esenyịn circuit, mbono circuit, m̀mê usen akpan mbono ke utịturua oro ẹdinọ akpan utịn̄ikọ oro ke urua oro etienede. Esop ndomokiet ikpenyeneke ndinọ akpan utịn̄ikọ oro mbemiso April 6.
◼ Otu mbiowo ekpenyene ndifiọk nte ke ẹyom mme ukpụhọde ẹtienede mi ke ini esop odụkde mme mbono n̄kann̄kụk: Ke ini ẹdiomide usen akpan mbono, esop ekpenyene ndinịm kpukpru mbonoesop nte ẹsinịmde, An̄wan̄wa Mbonoesop ye Ukpepn̄kpọ Enyọn̄-Ukpeme kpọt ke ẹbiat ẹfep. Ke ini ẹdiomide man ẹdụk mbono circuit, esop n̄ko ayabiat Ufọkn̄wed Utom Ukara Abasi ye Esoputom efep; Ukpepn̄kpọ N̄wedesop kpọt ke ẹdinịm ke n̄kann̄kụk ke urua oro.
◼ Yearbook Mme Asiakusụn̄—Kpukpru asiakusụn̄ ofụri ini ye akpan asiakusụn̄ ẹmi enyịn̄ mmọ ẹkedude ke n̄wed ke m̀mê mbemiso July 1, 1996, ẹdot ndibọ Yearbook kiet ke mfọn. Ẹkeme ndibọ emi nto ndutịm unọ n̄wed esop. Ke babru ukpe okụk S-20, ẹnyene ndiwet ibat Yearbook mfọn oro ẹnọde mme asiakusụn̄ in̄wan̄în̄wan̄ man ẹkeme ndibat ofụri ekọmurua nsio ke idem kiet kiet. Mme asiakusụn̄ ẹkeme ndibọ Yearbook efen efen ke ekọmurua mme asiakusụn̄. Mmọemi ẹdi se ẹkamade ke an̄wautom. Ẹnyene ndiwet enye isio isio ke idak pioneer credit ke babru ukpe okụk S-20. Wet “Yearbooks at pioneer rate.” Inaha ẹda mmọemi nte mbon oro ẹnọde mme asiakusụn̄ ke mfọn. Ẹyesio urua ke se ẹnyamde ẹnọ mme asiakusụn̄ ke kpukpru n̄wed oro ẹnọde ke ekọmurua mme asiakusụn̄.
◼ Ẹdụn̄ọde N̄wed Abasi ke Usen ke Usen Mme Asiakusụn̄—Kpukpru asiakusụn̄ ofụri ini ye akpan asiakusụn̄ ẹmi enyịn̄ mmọ ẹkedude ke n̄wed ke m̀mê mbemiso July 1, 1996, ẹdot ndibọ idem kiet ke mfọn ndida nnam n̄kpọ ọkpọkpọ. Ẹyebat ofụri ekọmurua ẹsio ke ibatokụk n̄wed mbufo ke idem kiet kiet oro ẹnọde. Owo isịnke mme asiakusụn̄ unọ un̄wam ke ekededi ke otu ndutịm ẹmi. N̄ko, ẹnyene ndiwet ibat es97 oro ẹnọde mme asiakusụn̄ in̄wan̄în̄wan̄ ke babru ukpe okụk S-20 man ẹkeme ndibat ofụri ekọmurua nsio ke idem kiet kiet oro ẹnọde.