Ikpọ Mbono Ofụri Ererimbot ke 1998

Otu Ukara ke anam ndutịm ndinịm ikpọ mbono ofụri ererimbot ke 1998. Ke adianade ye mme mbono district ẹmi ẹsinịmde, ẹyenịm ibat ibat ikpọ mbono ofụri ererimbot ke Edem Edere America ọkọrọ ye ke Africa, Asia, Europe, Latin America, n̄kan̄ Caribbean, ye Edem Usụk Pacific.

Ẹdinịm ndusụk ke otu san̄asan̄a ikpọ mbono ẹmi ke Edem Edere America, ndien ẹyenọ mme andidụk ẹtode ofụri ererimbot ikot. N̄ko, nnyịn imekeme ndidori enyịn ndinyene mme isụn̄utom ke ikpọ mbono ofụri ererimbot ẹmi. Ẹyenọ mme isụn̄utom ye mmọ eken ẹdude ke san̄asan̄a utom esenidụt oro ẹnyụn̄ ẹdotde ikot ndidụk kiet ke otu ikpọ mbono ẹmi ke obio emana mmọ m̀mê ekperede obio emana mmọ.

Ntọt efen efen kaban̄a mme usenọfiọn̄, mme itie, se inamde owo odot ndidụk, mme ndutịm ẹnamde ẹnọ mme andidụk ẹtode isenidụt, ye mme ọyọhọ ntọt eken ẹyedi. N̄kọk itieutom ayasian mme esop aban̄a obio akamba mbono ofụri ererimbot emi ẹnọde mme asuanetop ikot ndidụk. Ẹyenọ ntọt ẹban̄a mme usenọfiọn̄ ye mme ndutịm oro ẹnamde ẹnọ mme andidụk oro ẹmekde.