Mme Ntọt
◼ Mme n̄wed ẹnọde ke January: Ẹkeme ndinọ n̄wed ekededi oro enyenede page 192 emi ẹkemịn̄de ke babru oro akabarede etie utouto m̀mê oro okpụhọrede uduot m̀mê ekededi oro ẹkesiode mbemiso 1985 ke usụhọde ekọmurua edide ₦40. Edieke mme esop ekededi ẹnyenede Ndinam Uwem Ufọk Fo Enem, mmọ ẹkeme ndinọ enye emi n̄ko ke usụhọde ekọmurua edide ₦40. Inaha ẹsịn mme n̄wed eken ẹmi ẹnyenede page 192 ẹmi ẹkesiode mbemiso 1985 oro ẹmịn̄de ke babru oro mîkpaha mmọn̄ m̀mê mîkpụhọkede uduot ke edinọ eke usụhọde ekọmurua emi. Se ẹnọde ke ukpụhọ: True Peace and Security—How Can You Find It?, Ndidiana Kiet ke Utuakibuot Ata Abasi Kierakiet, Edibọhọ Ndụk Obufa Isọn̄, Worldwide Security Under the “Prince of Peace” ke ₦55, m̀mê Afo Emekeme Ndidu Uwem ke Nsinsi ke Paradise ke Isọn̄ (akamba udomo, ₦170; ekpri udomo, ₦85). February: Ukpọhọde Inemesịt Ubon. March: Ifiọk Oro Adade Osịm Nsinsi Uwem. Wụk ntịn̄enyịn ke nditọn̄ọ mme ukpepn̄kpọ Bible. April: Kpukpru usem—Editobo Enyọn̄-Ukpeme. TỊM FIỌK: Mme esop oro ẹdiyomde mme n̄wed ubịnikọt oro ẹsiakde ke enyọn̄ emi ẹkpenyene ndinọ eben̄e mmọ ẹdi ke Literature Order Form (S-14) eke ọfiọn̄ ke ọfiọn̄ mmọ efen.
◼ Ẹyenọ kpukpru asuanetop ẹmi ẹma ẹkena baptism ẹmi ẹdụkde Esoputom ke urua January 5 kad Advance Medical Directive/Release ẹnyụn̄ ẹnọ nditọ mmọ Identity Card.
◼ Ọtọn̄ọde ke February, ndien ibịghike ikan March 1, obufa utịn̄ikọ an̄wa mme esenyịn circuit edidi “Ndi Afo Emenyene Ekikere Abasi Kaban̄a Uwem?”
◼ Ẹyenọ akpan utịn̄ikọ ini Editi eke 1998 ke Sunday, March 29. Ẹyenọ n̄wed utịn̄ikọ. Mme esop oro ẹnyenede edidi esenyịn circuit, mbono circuit, m̀mê usen akpan mbono ke utịturua oro ẹdinọ akpan utịn̄ikọ oro ke urua oro etienede. Esop ndomokiet ikpenyeneke ndinọ akpan utịn̄ikọ oro mbemiso March 29, 1998.
◼ Otu mbiowo ekpenyene ndifiọk nte ke ẹyom mme ukpụhọde ẹtienede mi ke ini esop odụkde mme mbono n̄kann̄kụk: Ke ini ẹdiomide ndutịm usen akpan mbono, esop ekpenyene ndinịm kpukpru mbonoesop nte ẹsinịmde ke ofụri urua oro, An̄wan̄wa Mbonoesop ye Ukpepn̄kpọ Enyọn̄-Ukpeme kpọt ke ẹbiat ẹfep. Ke ini ẹdiomide man ẹdụk mbono circuit, esop n̄ko ayabiat Ufọkn̄wed Utom Ukara Abasi ye Esoputom efep; Ukpepn̄kpọ N̄wed Esop kpọt ke ẹdinịm ke n̄kann̄kụk ke urua oro.
◼ Otu Ukara ọmọnọ unyịme ete ẹnam san̄asan̄a ubịnikọt ndida n̄wed Inemesịt Ubon nsịm mme owo ke kpukpru ebiet ke February. Ẹkpenyene n̄ko ndikama Awake! eke August 8, 1997, ke ebiet ẹnyenede. Ke adianade ye ubịnikọt emi, ke March 1998, esop kiet kiet ọyọnọ mme akpan utịn̄ikọ an̄wa ẹmi ẹnyenede n̄kpọ ndinam ye uwem ubon. Esenyịn oro etiede ibuot ekpenyene ndidiomi udịm udịm utịn̄ikọ ndidian ke obukpọk ntọt.
◼ Ọtọn̄ọde ke urua May 4, 1998, onyụn̄ akade iso tutu esịm urua September 21, 1998, ẹdikpep Inemesịt—Nte Ẹkemede Ndinyene Enye ke Ukpepn̄kpọ N̄wed Esop.