Edifiak-nse Eke Ufọkn̄wed Utom Ukara Abasi
Edifiak-nse ẹkịbide-kịbi n̄wed, ẹkụrede se ẹkenọde ẹnam ke Ufọkn̄wed Utom Ukara Abasi ke mme urua January 5 esịm April 20, 1998. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.
[Tịm fiọk: Ke ini edifiak-nse emi, emekeme ndikama Bible kpọt mbọrọ mbụme ekededi. Mme n̄wed ndụn̄ọde oro ẹtienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]
Bọrọ m̀mê mme utịn̄ikọ kiet kiet ẹtienede mi ẹdi Akpanikọ m̀mê Nsu:
1. Ke Utom 15:29, ikọ oro “Ẹtie sụn̄” ekedi un̄wọn̄ọ ọwọrọde, ‘Edieke mbufo ẹbetde iyịp ye use, mbufo ẹyenyene eti nsọn̄idem.’ [Edikot Bible eke urua ke urua; se w91-EF 6/15 p. 9 ikp. eki. 7 ik. id.]
2. Ke n̄kemuyo ye Ephesus 5:33, n̄wan emi eten̄ede ebe iwọrọke ite ke enye ikemeke nditịn̄ mme ekikere esie, akpan akpan ke ini n̄kpọ afịnade enye. [kl-EF p. 144 ikp. eki. 12-13]
3. Ye nditọ Egypt, ẹkeda Pharaoh nte ata ata Horus, abasi emi enyenede ibuot mbukpo, ke mbiet owo. [w96-EF 1/15 p. 24 ikp. eki. 1]
4. Ikọ oro “simony,” emi ẹdade ẹto n̄kpọntịbe oro ẹwetde ke Utom 8:9-24, etịn̄ aban̄a mme edinam mfọni. [Edikot Bible eke urua ke urua; se w90-EF 6/1 p. 17 ikp. eki. 8.]
5. Ke Rome 8:6, 7, “obụkidem” etịn̄ aban̄a idiọk idaha nnyịn nte mme anana-mfọnmma owo ye ntụhọ unam idiọkn̄kpọ idade-da imana. [Edikot Bible eke urua ke urua; se w91-EF 3/1 p. 21 ikp. eki. 4.]
6. Sia Jehovah ke ukperedem ekesinyịmede mme uwa inuakudia ye mme mbun̄wụm isọn̄ eken, nte an̄wan̄ade ẹkesịn uwa Cain koro n̄kpọ akakwan̄ade ye esịt esie. (Gen. 4:3-5) [w96-EF 6/15 p. 4 ikp. eki. 8]
7. Nte Christian adade mme idaha ido uwem ye eke spirit eke Bible esịn ke edinam ke uwem esie, Ikọ Jehovah anam enye asana, ‘eyet enye anam asana’ ọbọhọ kpukpru edinam oro Jehovah Abasi asuade. (1 Cor. 6:9-11) [w96-EF 1/1 p. 30 ikp. eki. 4]
8. Apostle Paul ke idemesie ekenịm mbonufọk Stephanas ke Corinth baptism. [w96-EF 6/15 p. 29 ikp. eki. 2]
9. Ke Utom 20:20, ikọ oro “ke ufọk ke ufọk” etịn̄ aban̄a edika utom ubọk erọn̄ ke ufọk ekemmọ mme andinịm ke akpanikọ kpọt koro udọn̄ikọ owụt ete ke Paul eketịn̄ ikọ ọnọ nyobiowo esop. [Edikot Bible eke urua ke urua; se w91-EF 1/15 p. 11 ikp. eki. 5.]
10. Edieke inọde esịt nnyịn ukpep ndiwụt esịtekọm nnọ mme n̄kpọ eke spirit, ibọn̄de akam iben̄e spirit Abasi an̄wam nnyịn inam emi, do nnyịn iyefep “edikere n̄kpọ obụkidem.” (Rome 8:6, 7) [Edikot Bible eke urua ke urua; se w91-EF 3/1 p. 21 ikp. eki. 5.]
Bọrọ mme mbụme ẹtienede mi:
11. Mbụk ewe ke n̄wed Utom owụt ete ke ikpîkpu edinyene Ikọ Abasi nnyụn̄ n̄kot enye ọkpọkpọ ikemke ke ndinyene nnennen ifiọk oro anamde owo odu ke usụn̄ oro adade esịm uwem? [Edikot Bible eke urua ke urua; se w91-EF 9/1 p. 19 ikp. eki. 16.]
12. Nso ikpakpan nnyịn ndibiere ikpe nnọ nditọete nnyịn iren ye iban eke spirit? [w96-EF 3/15 p. 22 ikp. eki. 6]
13. Ke Utom 11:26, ntak emi New World Translation adade ikọ oro “ẹkot mme mbet Christian oto un̄wam Abasi,” ke adan̄aemi mme edikabade Bible eken mîsịnke ekikere “un̄wam Abasi”? [Edikot Bible eke urua ke urua; se w90-EF 6/1 p. 19 ikp. eki. 19.]
14. Nso idin̄wam n̄wanndọ Christian nditen̄e ebe esie? (Eph. 5:33) [w96-EF 3/1 p. 21 ikp. eki. 5]
15. Nso ke akpanikọ oro nte ke Paul ekewet ete: “Mme enyene-odudu ẹmi ẹdude ke emi, edi Abasi ekenịm mmọ” owụt? (Rome 13:1) [kl-EF p. 131 ikp. eki. 7]
16. Ke leta oro enye ekewetde ọnọ ẹsọk mme Christian ke Rome, nso ke Paul ọkọsọn̄ọ etịn̄ aban̄a mme Jew ye mbon oro mîdịghe mme Jew? [w90-EF 8/1 p. 23]
17. Nte ekemde ye Rome 12:2, ke nso udomo ke odudu Ikọ Abasi okpụhọde edu uwem mme Christian? [Edikot Bible eke urua ke urua; se w90-EF 4/1 p. 16 ikp. eki. 3.]
18. Nso idi “edisana ndịben̄kpọ” (NW) oro Paul etịn̄de aban̄a ke Rome 11:25? [Edikot Bible eke urua ke urua; se w83-E 8/15 p. 16 ikp. eki. 16.]
19. Ntak emi esop Christian enende ke ndisio mme anamidiọk oro mîkabakede esịt mfep? (1 Cor. 5:11, 13) [Edikot Bible eke urua ke urua]
20. Didie ke ndiwobi mbubek ikan̄ mbok asua ke ibuot an̄wam ke ndikan idiọk ubọk? (Rome 12:20, 21) [Edikot Bible eke urua ke urua]
Dọn̄ (mme) ikọ m̀mê ubak udịmikọ ẹyomde man ẹyọhọ mme utịn̄ikọ kiet kiet ẹtienede mi:
21. Philip ama anam an̄wan̄a eunuch owo Ethiopia nte prọfesi ________________________ okosude, ndien ke ẹma ẹkesịn enye ke un̄wana, enye ke nsụhọdeidem ama oyom _________________________. (Utom 8:28-35) [Edikot Bible eke urua ke urua]
m22. Ke ini ẹkenenide ẹban̄a n̄kpọ aban̄ade _________________________, _________________________ ama ọsọn̄ọ ubiere esie ebe ke ndidọhọ: “Ikọ mme prophet ẹsan̄a ẹkekem ye n̄kpọ emi; nte ẹwetde.” (Utom 15:15-18) [Edikot Bible eke urua ke urua]
23. Edu _________________________ an̄wam nnyịn ‘ndikere ke mmọ en̄wen ẹfọn ẹkan nnyịn,’ ke adan̄aemi _________________________ anamde ikeme ‘ndime ime ke ini ẹnamde nnyịn idiọk.’ (Phil. 2:3; 2 Tim. 2:24, 25) [w96-EF 5/15 p. 21 ikp. eki. 5]
24. Nte ekemde ye uwụtn̄kpọ Paul aban̄ade ndamban̄a eto olive ke Rome ibuot 11, nte esien Israel 12 ẹketọn̄ọde ẹto Abraham ebe ke Isaac, kpasụk ntre ke ndamban̄a esien 12 eke _________________________ ẹtọn̄ọ ẹto _________________________ ebe ke _________________________. [Edikot Bible eke urua ke urua; se w83-E 8/15 p. 16 ikp. eki. 15.]
25. Kpa nte Jehovah okomụmde nditọ Israel ẹmi ẹkewụkde itienna ke Wilderness eke _________________________ akama, enye ekeme ndimụm nnyịn n̄kama ke _________________________ emi. [w96-EF 8/15 p. 7 ikp. eki. 1-2]
Mek nnennen ibọrọ ke mme utịn̄ikọ kiet kiet oro ẹtienede mi:
26. Ke utịn̄ikọ esie ke Utom ibuot 17, Paul ke usọ ama owụt (itie edikara; edinen ido; ima) odu uwem Abasi. [Edikot Bible eke urua ke urua]
27. (Paul; Peter; Luke) ama otoro mbon (Beroea; Macedonia; Jerusalem) ufiop ufiop ke ntak mmọ ẹketịn̄de enyịn ẹdụn̄ọde N̄wed Abasi. (Utom 17:11) [Edikot Bible eke urua ke urua; se w95-EF 5/1 p. 14 ikp. eki. 3.]
28. Nsu, m̀mê abian̄a oro ẹtịn̄de ẹban̄a ke Rome 1:25 etịn̄ aban̄a (ukpono ndem; mme oburobụt edinam idan̄; ido usu nsu). [Edikot Bible eke urua ke urua; se w91-EF 11/15 p. 6 ikp. eki. 6.]
29. Ke nditịm ntịn̄, awak ndidi (mme owo; Abasi ye Christ; Satan ye mme demon) ẹnyene nduduọhọ ke ini mme n̄kpọ mîbonoke ẹfọn. [w96-EF 9/1 p. 5 ikp. eki. 3]
30. Paul ekewet akpa leta esie ọnọ ẹsọk mbon Corinth ke adan̄aemi okodude ke (Rome; Ephesus; Corinth) ke n̄kpọ nte (52; 55; 56) E.N. [w90-EF 9/15 p. 24]
Wet mme itien̄wed Abasi ẹtienede mi ẹkekem ye mme utịn̄ikọ ẹwetde mi ke idak:
N̄ke 17:27; Eccl. 9:11; Matt. 10:16; Utom 10:34, 35; 2 Cor. 4:18
31. Nte mme asan̄autom Jehovah, nnyịn ikpenyene ndise mme owo eke kpukpru ekpụk nte enye esede. [Edikot Bible eke urua ke urua; se w88-EF 5/15 p. 16 ikp. eki. 6.]
32. Nnyịn ikpenyene ndise n̄kpọ mbe mme idaha oro nnyịn idude idahaemi, iwụkde enyịn nnyịn ke idara idara utịp usụn̄ uwem Christian. [w96-EF 2/15 p. 27 ikp. eki. 3-4]
33. Mbufiọk ye ima nditọete ẹyen̄wam nnyịn ndikara ntụk nnyịn nditịn̄ se inọde unan. [w96-EF 5/15 p. 22 ikp. eki. 7]
34. Ke ini ẹsobode ukọbọ, oyom mme ata Christian ẹdian ọniọn̄ ye edisana ido ke nditan̄a etop Obio Ubọn̄ nnọ mbon en̄wen. [w96-EF 7/15 p. 22 ikp. eki. 5]
35. Ntak ndomokiet idụhe ndikere nte ke Andibot edi ntak mbabuat n̄kpọntịbe m̀mê nte ke ẹnọ mbon unọmọ mbabuat n̄kpọntịbe ufen ke usụn̄ kiet m̀mê eken. [w96-EF 9/1 p. 5 ikp. eki. 4]