Edifiak-nse Eke Ufọkn̄wed Utom Ukara Abasi
Edifiak-nse ẹkịbide-kịbi n̄wed, ẹkụrede se ẹkenọde ẹnam ke Ufọkn̄wed Utom Ukara Abasi ke mme urua May 4 esịm August 24, 1998. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.
[Tịm fiọk: Ke ini edifiak-nse emi, emekeme ndikama Bible kpọt mbọrọ mbụme ekededi. Mme n̄wed ndụn̄ọde oro ẹtienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]
Bọrọ m̀mê mme utịn̄ikọ kiet kiet ẹtienede mi ẹdi Akpanikọ m̀mê Nsu:
1. Nte ekemde ye n̄wetnnịm n̄kpọ Bible, Paul ekewet mbon Corinth ọyọhọ ikaba ke enye ama akaka ekese mmọ ke 56 E.N. [w90 9/15 p. 26]
2. Ediduọn̄ọ ntọn̄ okpo owo oro ẹkefọpde atuaha ye N̄wed Abasi. [w96 9/15 p. 30 ikp. eki. 6–p. 31 ikp. eki. 1]
3. Ebeubọk ifịk ndikọri mme ufọn n̄kpọ Obio Ubọn̄ inamke unana mbufiọk, mbọm, ye edikere mban̄a ke ini inamde n̄kpọ ye mbon en̄wen enen. (1 Cor. 13:2, 3) [Edikot Bible eke urua ke urua; se w95 10/15 p. 31 ikp. eki. 5.]
4. Ẹkot ediset n̄ka uwem eke heaven “akpa ediset,” edide akpa ke ini ye ke idaha. (Edi. 20:6) [w96 10/15 p. 6 ikp. eki. 5]
5. Itien̄wed oro ke Galatia 5:26 akpan mme ata Christian ndibuana ke kpukpru mbre mbuba. [Edikot Bible eke urua ke urua; se g95-E 12/8 p. 15 ikp. eki. 8.]
6. Akpa leta oro Paul ekewetde ọnọ ẹsọk mbon Corinth enyene ufọn ke ndin̄wam nnyịn iwụt ukpono, isan̄a ke ndutịm, inyụn̄ inam kpukpru n̄kpọ inọ Abasi ubọn̄. [w90 9/15 p. 25 ikp. eki. 5, 6]
7. Paul ekewet leta ọnọ ẹsọk mbon Philippi ke ọfiọn̄ ifan̄ kpọt ẹma ẹkebe tọn̄ọ nte enye ọkọtọn̄ọ esop ke Philippi, ndien edi ikpọ mfịna oro ẹkedemerede ke otu mmọ akanam ewet. [w90 11/15 p. 25]
8. ‘Ẹkewụt Jesus nte edinen ke Spirit,’ nte ẹtịn̄de ke 1 Timothy 3:16, ke ndidi se ẹnọde utịp uwem eke spirit ke enye esetde ke n̄kpa; emi ama ada ekesịm Abasi ndisọn̄ọ nte ke Jesus ke ofụri ofụri edi edinen onyụn̄ odot ndikama mme n̄kokon̄ ifetutom efen. [Edikot Bible eke urua ke urua; se w90 1/15 p. 13 ikp. eki. 12.]
9. Ke akpa leta oro enye ekewetde ọnọ ẹsọk mbon Thessalonica, Paul ama etịn̄ utịm ikanan̄ aban̄a edidu Jesus Christ nte an̄wan̄ade koro esop oro ama enyene udọn̄ ke ukpepn̄kpọ emi. [Edikot Bible eke urua ke urua]
10. Nnyịn imekeme ndinyene uwem nte utịp edinam n̄kpọ Jehovah Abasi. [kl p. 182 ikp. eki. 4]
Bọrọ mme mbụme ẹtienede mi:
11. Ke nso usụn̄ ke ndusụk owo ke Corinth ẹkedia mme n̄kpọ idiọn̄ọ “ke usụn̄ eke mîdotke” ke ini mmọ ẹkesopde idem ọtọkiet ndidia usọrọ Editi n̄kpa Christ? (1 Cor. 11:27) [Edikot Bible eke urua ke urua; se w90 2/15 p. 19 ikp. eki. 17.]
12. Didie ke Jehovah edinọ usiene ke n̄kpọ ekededi oro nnyịn ikemede ndiyak atak ke ntak utuakibuot esie? [kl p. 169 ikp. eki. 20]
13. Ntak emi Christian ekpenyịmede ndikpe ubọk idem okposụkedi enye ekemede ndikere nte ke imọ inamke ukwan̄ n̄kpọ ndomokiet? [w96 9/15 p. 22 ikp. eki. 4, 7]
14. Nso akpan ikpehe edisana “ndịbe-n̄kpọ” ke ẹnam an̄wan̄a ke leta oro Paul ekewetde ọnọ ẹsọk mbon Ephesus? (Eph. 3:4-6) [w90 11/15 p. 24 ikp. eki. 4]
15. Nte asan̄autom ye apostle, didie ke Paul ọnọ mme asan̄autom Christian ata eti uwụtn̄kpọ mfịn? [w90 9/15 p. 27 ikp. eki. 2]
16. Nso ke ikọ apostle Paul ọkọwọrọ ke ini enye ọkọdọhọde ete ke “ẹkeda ibet ẹdisịn, man ndudue owụt idem”? (Gal. 3:19) [Edikot Bible eke urua ke urua; se uw p. 147 ikp. eki. 3-4.]
17. Ke Philippi 1:3-7, kaban̄a mme ntak ewe ke Paul otoro nditọete, ndien didie ke nnyịn ikeme ndibọ ufọn nto uwụtn̄kpọ mmọ? [w90 11/15 p. 25 ikp. eki. 1-3]
18. Ntak emi kpukpru asan̄autom Christian ẹkpetienede item oro ẹnọde ke Colossae 4:6? [Edikot Bible eke urua ke urua]
19. Nso ke ikọ apostle Paul ọkọwọrọ ke ini enye ọkọdọhọde ete ke imọ iyom iban “ẹsịne n̄kpọ eke owụtde bụt”? (1 Tim. 2:9) [Edikot Bible eke urua ke urua; se g90-E 6/22 p. 19 ikp. eki. 2.]
20. Ntak anade mme Christian ẹnam item Paul oro odude ke 1 Timothy 6:6 aban̄ade “uten̄e Abasi . . . ke ini asan̄ade ye esịt eke okụtde ete se inyenede ekem”? [w91 1/15 p. 30 ikp. eki. 8]
Dọn̄ (mme) ikọ m̀mê ubak udịmikọ ẹyomde man ẹyọhọ mme utịn̄ikọ kiet kiet ẹtienede mi:
21. Ẹketie ke _________________________ ẹwet Udiana Corinth ndien etie nte _________________________ akada ọkọnọ. [w90 9/15 p. 26]
22. Ke ini Paul ekewetde ke 2 Corinth 10:4 nte ke “n̄kpọ-ekọn̄, eke idade in̄wana ekọn̄, idịghe n̄kpọ-ekọn̄ obụkidem,” enye okowụt nte ke mme Christian ikpadaha _________________________, utọ nte _________________________ m̀mê _________________________, ndikpeme esop mbiọn̄ọ mme nsunsu ukpepn̄kpọ. [w90 9/15 p. 27 (ekebe)]
23. Ke leta oro enye ekewetde ọnọ ẹsọk mbon Galatia, Paul owụt ete ke edinen ido oto _________________________ ke Christ Jesus, itoho utom _________________________, ndien ke ntre iyomke mme Christian ẹna _________________________. [w90 11/15 p. 23]
24. ‘Edidaha nnyọn̄’ oro ẹtịn̄de ẹban̄a ke Philippi 1:23 nte an̄wan̄ade edi idotenyịn Paul ndidu ye Christ ke _________________________. [Edikot Bible eke urua ke urua; se w95 3/1 p. 30 ikp. eki. 4.]
25. _________________________ ekewet udiana leta ọnọ ẹsọk mbon Thessalonica ke adan̄aemi odude ke Corinth ke isua _________________________. [w91 1/15 p. 23]
Mek nnennen ibọrọ ke mme utịn̄ikọ kiet kiet oro ẹtienede mi:
26. Edieke afo enyenede akpan eyịghe aban̄a owo ke ini uyomima, n̄kpọ owụtde eti ibuot ndinam edi (ndiyak mme ntụk ima ẹkan mme eyịghe fo ubọk; nditre itie ebuana oro; ndifụmi ikpọ ndudue odoride enyịn nte ke mme n̄kpọ ẹyefọn ẹkan ke ẹma ẹkedọ ndọ). [fy p. 23 ikp. eki. 19]
27. Leta oro Paul ekewetde ọnọ ẹsọk mbon Galatia atat Isaiah 54:1-6, anamde ẹdiọn̄ọ n̄wan Jehovah nte (Jerusalem emi odude ke isọn̄; Jerusalem emi odude ke enyọn̄; Obufa Jerusalem). (Gal. 4:21-26) [Edikot Bible eke urua ke urua]
28. Ke Ephesus 1:10, “editan̄ ndọn̄” aban̄a (Obio Ubọn̄ Messiah; Otu Ukara; usụn̄ oro Abasi adade ese aban̄a mme mbubehe ufọk esie). [w90 11/15 p. 24 ikp. eki. 3]
29. Ẹkeme ndidọhọ ke (mbon Ido Ukpono Mme Jew; otu mme ọkwọrọ ederi Christendom; Akwa Babylon) ẹdi “owo eke edide ata abiat-ibet” oro ẹtịn̄de ẹban̄a ke 2 Thessalonica 2:3. [Edikot Bible eke urua ke urua; se w90 1/15 p. 19 ikp. eki. 11.]
30. Ke 1 Corinth 12:31, “usụn̄ eke akande” aban̄a usụn̄ (akpanikọ; ima; uwem oro ọyọhọde ye mme enọ eke spirit). [Edikot Bible eke urua ke urua; se w92 7/15 p. 27 ikp. eki. 3.]
Wet mme itie N̄wed Abasi ẹtienede mi ẹkekem ye mme utịn̄ikọ ẹwetde mi ke idak:
1 Cor. 10:11, 12; 2 Cor. 4:7; 2 Cor. 8:14; Phil. 4:6, 7; 2 Thess. 1:8, 9, 12
31. Ke ini owo enịmde utom ukwọrọikọ Christian akpa ke uwem esie, enye esikụt odudu emi Abasi ọnọde. [Edikot Bible eke urua ke urua; se w90 3/1 p. 29 ikp. eki. 5.]
32. Nnyịn ikpenyene ndikpan̄ utọn̄ nnọ ntọt uwụtn̄kpọ eke nditọ Israel ke idak Moses inyụn̄ ifep ndiberi edem ke idem nnyịn. [w90 9/15 p. 25]
33. Mme ẹnọ ntatubọk ẹtode mme Christian oro ẹnyenede n̄kpọ ẹkeme ndin̄wam ndise mban̄a mme udọn̄ mbon oro ẹdude ke mme itie unana, ke adan̄aemi ifịk ye ime mbon ukụt ẹkemede ndida idatesịt ye nsịnudọn̄ nsọk mme andinọnọ. [Edikot Bible eke urua ke urua; se w93 12/15 p. 21 ikp. eki. 20.]
34. Inaha nnyịn ikpa mba ke ndikwọrọ eti mbụk, koro nte Bible ọdọhọde, kpukpru owo ẹmi ẹdude mfịn oro ẹkade iso ẹdu tutu esịm utịt idiọk editịm n̄kpọ emi oro ẹnyụn̄ ẹbierede ikpe ẹnọ nte mme asua utuakibuot akpanikọ ẹdibọ nsinsi nsobo. [Edikot Bible eke urua ke urua; se w89 5/1 p. 19 ikp. eki. 4.]
35. Jehovah esinọ ifụre ye nsụkesịt ke ufọt idaha oro ata mfịna mfịna n̄kpọ ẹtịbede. [Edikot Bible eke urua ke urua; se w88 11/1 p. 30 ikp. eki. 19-20.]