Edifiak-ndụn̄ọde Eke Ufọkn̄wed Utom Ukara Abasi

Edifiak-ndụn̄ọde ẹkịbide-kịbi n̄wed, esịnede se ẹkenọde ẹnam ke Ufọkn̄wed Utom Ukara Abasi ke mme urua May 1 esịm August 21, 2000. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.

[Tịm fiọk: Ke ini edifiak-ndụn̄ọde emi, emekeme ndikama Bible kpọt mbọrọ mbụme ekededi. Mme n̄wed ndụn̄ọde oro ẹtienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]

Bọrọ m̀mê mme utịn̄ikọ kiet kiet ẹtienede mi ẹdi Akpanikọ m̀mê Nsu:

1. Ibọrọ Gideon ke utọk nditọ Ephraim oro mîkenyeneke eti ntak okowụt sụn̄sụn̄ ido ye nsụhọdeidem esie, ndien ke ntem ọwọn̄ọrede nsụkuyo mmọ oro mîkenenke efep onyụn̄ anamde mmọ ẹnyene emem. (Judg. 8:1-3) [Edikot Bible eke urua ke urua]

2. Okposụkedi Manoah ọkọdọhọde ete “nnyịn imokụt Abasi,” ke akpanikọ enye ye n̄wan esie ẹkekụt ọkpọkpọ anditịn̄ ikọ ke ibuot Abasi ikedịghe Jehovah ke idemesie. (Judg. 13:22) [Edikot Bible eke urua ke urua; se w88-EF 5/15 p. 23 ikp. eki. 3.]

3. N̄wed Judges ọsọn̄ọ edinịm ke akpanikọ nte ke Jehovah edi akwa Andinyan̄a mbon oro ẹtuakde ibuot ẹnọ enye. [w85-EF 1/1 p. 30 ikp. eki. 6]

4. Ruth ekedi n̄wan Israel, okotode obio Bethlehem. [w85-EF 1/15 p. 8 ikp. eki. 1]

5. Judges 21:25 etịn̄ aban̄a ini oro Jehovah ọkọkpọn̄de idụt Israel ye unana edinọ ndausụn̄ ekededi. [Edikot Bible eke urua ke urua; se w95-EF 6/15 p. 22 ikp. eki. 16.]

6. Mbiet mme cherub ke ekebe ediomi okowụt ubọn̄ ubọn̄ edidu Jehovah, emi ẹkedọhọde nte “etiede do ke ufọt mme cherubim.” (1 Sam. 4:4) [Edikot Bible eke urua ke urua; se w80-E 11/1 p. 29 ikp. eki. 2.]

7. Ke ini mbonekọn̄ Saul ẹkediade iyịp ke idaha nnanenyịn ndien owo mînọhọ mmọ ufen, emi okowụt ete ke nti ntak ẹkeme ndidu ndifụmi ibet Abasi ke ekpri ibio ini man ẹnịm owo uwem. (1 Sam. 14:24-35) [Edikot Bible eke urua ke urua; se w94-EF 4/15 p. 31 ikp. eki. 7-9.]

8. Ke adan̄aemi ndusụk owo ẹbuande ikọ oro “mbukpek” ye editap ye n̄kari, ẹkeme ndida enye ntịn̄ ikọ ke eti usụn̄ ndinọ ekikere edinam ẹnịm ke akpanikọ ye edinam ẹkpụhọde ekikere ebe ke eti n̄kọkibuot oro esịnede ifiọk. (2 Tim. 3:14, 15, NW) [w98-EF 5/15 p. 21 ikp. eki. 4]

9. “Ebek uwem” aban̄a ndutịm Abasi ndikpeme nnyụn̄ nnịm uwem, emi akpadade ufọn ọsọk David ke enye efepde ubiomikpe iyịp ke enyịn Abasi. (1 Sam. 25:29) [Edikot Bible eke urua ke urua; se w91-EF 6/15 p. 14 ikp. eki. 3.]

10. Ediomi Obio Ubọn̄ David, oro ẹtịn̄de ẹban̄a ke 2 Samuel 7:16, ama owụt udịm Mfri oro akadade ekesịm Messiah okonyụn̄ edi ubiọn̄ oro ekemde ye ibet nte ke owo otode ubon David ayakara “ke nsinsi.” [Edikot Bible eke urua ke urua; se w89-EF 2/1 p. 14-15 ikp. eki. 21, 22.]

Bọrọ mme mbụme ẹtienede mi:

11. Nso nsọn̄ọ ke Psalm 34:18 ọnọ? [w98-EF 4/1 p. 31 ikp. eki. 2]

12. Nso ke ndinọ Joseph udorienyịn̄ oro Barnabas okowụt? (Utom 4:36) [w98-EF 4/15 p. 20 ikp. eki. 3, ik. id. NW]

13. Ntak emi mbụk Bible ọdọhọde ke Eli ama okpono nditọ esie akan Jehovah? (1 Sam. 2:12, 22-24, 29) [Edikot Bible eke urua ke urua; se w96-EF 9/15 p. 13 ikp. eki. 14.]

14. Nso ikọnọ Ruth ifet ndidi ndifiọk ata Abasi, kpa Jehovah, ye mme owo oro ẹketuakde ibuot ẹnọ enye? [w85-EF 1/15 p. 8 ikp. eki. 2]

15. Nte ekemde ye 1 Samuel 1:1-7, nso n̄wọrọnda uwụtn̄kpọ ke ubon Samuel ekenịm? [Edikot Bible eke urua ke urua; se w98-EF 3/1 p. 16 ikp. eki. 12.]

16. Ke nso usụn̄ifiọk ke ẹkeme ndidọhọ ke ‘inyene edi abian̄a’? (Matt. 13:22) [w98-EF 5/15 p. 5 ikp. eki. 1]

17. Didie ke Jonathan emi ekedide akamba owo okowụt ukpono ọnọ David, kpa enye emi Jehovah ekeyetde aran, ndien nso ke emi ada aban̄a mfịn? (1 Sam. 18:1, 3, 4) [Edikot Bible eke urua ke urua; se w89-EF 1/1 p. 24, 26 ikp. eki. 4, 13.]

18. Okposụkedi enye ‘ọkọfọnde ama onyụn̄ enende,’ didie ke n̄wed Job owụt ke emi iwọrọke ite ke Job ekedi mfọnmma? (Job 1:8) [w98-EF 5/1 p. 31 ikp. eki. 1]

19. Nso ke ikọ oro “mbufo ẹn̄wana eti-eti” abuana? (Luke 13:24) [w98-EF 6/15 p. 31 ikp. eki. 1, 4]

20. Nte nnyịn inamde utom ọtọkiet ye mbon en̄wen, nso eti ukpepn̄kpọ ke nnyịn ikeme ndikpep, nte ẹwetde ke 2 Samuel 12:26-28? [Edikot Bible eke urua ke urua; se w93-EF 12/1 p. 19 ikp. eki. 19.]

Dọn̄ (mme) ikọ m̀mê ubak udịmikọ oro ẹyomde man ẹyọhọ mme utịn̄ikọ kiet kiet ẹtienede mi:

21. Uwetn̄kpọ Judges 16:1-21 ekpep nnyịn nte ke ana nnyịn idu ke ukpeme kpukpru ini ibiọn̄ọ __________________________. [w85-EF 1/1 p. 30 ikp. eki. 3, 4]

22. N̄wed Samuel mbiba ẹtịn̄ ẹban̄a utịt eyo __________________________ ye ntọn̄ọ ukara __________________________ ke Israel. [w85-EF 2/15 p. 22 ikp. eki. 3]

23. Enyịn̄ Abasi oro, Jehovah, ọwọrọ “ __________________________” ndien ọwọrọ ke Jehovah ekeme ndinam se ededi oro oyomde man osu __________________________ esie. [w98-EF 5/1 p. 5 ikp. eki. 3]

24. __________________________, “Eyen David,” akamana ke __________________________. [w85-EF 2/15 p. 24 ikp. eki. 3]

25. N̄ke Jesus aban̄ade owo Samaria oro ekenyenede edu mbọhọidụn̄ owụt nte ke owo oro enen̄erede edi edinen owo edi enye oro mînịmke __________________________ Abasi kpọt edi n̄ko ekpebede __________________________ esie. (Luke 10:29-37) [w98-EF 7/1 p. 31 ikp. eki. 2]

Mek nnennen ibọrọ ke mme utịn̄ikọ kiet kiet oro ẹtienede mi:

26. Ke ini (Ruth; Naomi; Orpah), ekenyenede ifet ndinam n̄kpọ nnọ ata Abasi ọtọkiet ye ikọt esie Israel, enye ama ọsọn̄ọ omụm oro akama ke ofụri esịt. [w85-EF 1/15 p. 8 ikp. eki. 1]

27. Eyo ukara mme ebiereikpe ke Israel eketre ke ẹma ẹkeyet (Samuel; David; Saul) aran nte edidem ndien esisịt ini ke oro ebede enye ama akan (nditọ Ammon; mbon Moab; mme Philistine) ye un̄wam Jehovah. (1 Sam. 11:6, 11) [Edikot Bible eke urua ke urua; se w95-EF 12/15 p. 9 ikp. eki. 2–p. 10 ikp. eki. 1.]

28. Ekedi (apostle Paul; ete esie; eka ye ekaeka esie) akada usụn̄ ke ndinọ Timothy ukpep ke “Edisana N̄wed Abasi” ekesịm idaha oro enye akabarede edi ata eti isụn̄utom ye esenyịn. (2 Tim. 3:14, 15; Phil. 2:19-22) [w98-EF 5/15 p. 8 ikp. eki. 3–p. 9 ikp. eki. 5]

29. Nsụhọdeidem, ime, ediyọ, ye ibetedem (David; Samuel; Jonathan) ke Jehovah edi se mme asan̄autom Jehovah ẹyomde ke ini ekededi. [w85-EF 2/15 p. 23 ikp. eki. 3]

30. Ẹkot ebiet emi Jerusalem enyọn̄ odude ke heaven (“Obot Zion;” “Jerusalem enyọn̄;” “Obufa Jerusalem”). [w85-EF 2/15 p. 25 ikp. eki. 2]

Wet mme itien̄wed ẹtienede mi ẹkekem ye mme utịn̄ikọ ẹwetde mi ke idak:

Judg. 11:30, 31; 1 Sam. 15:22; 30:24, 25; 2 Ndi. 6:15-17; Jas. 5:11

31. Jehovah ọnọ nsọn̄ọ nte ke enye ayada udịmekọn̄ esie eke heaven ekpeme ikọt esie nte ekemde ye uduak esie. [w98-EF 4/15 p. 29 ikp. eki. 5]

32. Mme esenyịn esop ẹnyene mbiomo ndinịm mme ediomi mmọ idem okposụkedi ekemede ndikama ubiak nnyụn̄ ntak n̄kpọ ke ndusụk idaha. [w99-EF 9/15 p. 10 ikp. eki. 3-4]

33. Ndimụm nsọn̄ọnda n̄kama ke idak idomo ada akwa utịp otode Jehovah Abasi edi. [w98-EF 5/1 p. 31 ikp. eki. 4]

34. Ata ata ima oro ẹnyenede ẹnọ Abasi oyom n̄kopuyo nnọ ndausụn̄ esie idịghe ikpîkpu edifọp uwa nnọ enye. [Edikot Bible eke urua ke urua; se w96-EF 6/15 p. 5 ikp. eki. 1.]

35. Jehovah owụt ntotụn̄ọ esịtekọm ọnọ mbon oro ẹnamde utom oro ọnọde esop esie ibetedem mfịn. [Edikot Bible eke urua ke urua; se w86-E 9/1 p. 28 ikp. eki. 4.]