Mme Ntọt

◼ Mme n̄wed ẹnọde ke November: Edisuan Mbụk Obio Ubọn̄ Nọ. 36 ayaka iso. Mme esop oro ẹkụrede efakutom mmọ ebe ke ndinọ kpukpru mme enyeneufọk ke ufọk kiet kiet Mbụk Obio Ubọn̄ Nọ. 36 ẹkeme ndinọ ediye uduot ekpri n̄wed Oyom m̀mê n̄wed Ifiọk. Edieke edide mme owo ẹma ẹnyenyene mmọ emi, ẹkeme ndinọ n̄wed Ndidu Uwem ke Nsinsi. December: Ifiọk Oro Adade Osịm Nsinsi Uwem. January: N̄wed ekededi oro enyenede page 192 oro ẹkemịn̄de mbemiso 1986 oro esop enyenede ke itie unịm n̄wed. Mme esop oro ẹnyenede Mankind’s Search for God ẹkeme ndinọ enye n̄ko. February: Ediyarade—Ubọn̄ Ubọn̄ Ata-Utịt Esie Emekpere!, m̀mê n̄kani n̄wed ekededi oro ẹnyenede page 192 oro esop enyenede ke itie unịm n̄wed.

◼ Ke ubịnikọt Mbụk Obio Ubọn̄ okụrede, mme esop oro ẹsụk ẹnyenede Mbụk Obio Ubọn̄ Nọ. 36 ẹkeme ndisịn udọn̄ nnọ mme asuanetop ndinọ mmọ emi ke ukem usụn̄ oro mmọ ẹsinọde mme tract—to ke enyịnusụn̄ sịm enyịnusụn̄ ye ke itie en̄wen. Edieke odotde, mme asuanetop ẹkeme ndinịm kiet ke ufọk kiet kiet oro owo mîdụhe, ẹkụtde ẹte ke mme andisan̄a mbe idikwe. Ẹkpenyene ndisịn ukeme ndisuan kpukpru idem akpan etop emi oro ẹsụhọde.

◼ Esenyịn oro etiede ibuot m̀mê owo efen oro enye emekde ekpenyene ndidụn̄ọde ibatokụk esop ke December 1 m̀mê usọp usọp nte ekekeme ke oro ebede. Ke ẹma ẹkenam emi, tọt esop ke ẹma ẹkekot ntọt ibatokụk efen.

◼ Nnyịn imadara isenowo ndisan̄a nse Bethel ọtọn̄ọde ke Monday esịm Saturday. Ọtọn̄ọde ke emi aka iso, nnyịn iyom otu owo ọtọn̄ọde ke 20 m̀mê akande oro emi ẹdiomide ndidi ndise itieutom N̄ka ke Igieduma ẹbem iso ẹwet nnyịn. Leta oro ekpenyene ndisịne ntọt aban̄ade usenọfiọn̄ oro otu oro edidide, ibat owo ẹdidide, ọkọrọ ye edieke edide owo usọn̄ ekededi m̀mê owo n̄kpọnnam oro mîkemeke ndisan̄a eyedi. Edisan̄a n̄kanade oro ada n̄kpọ nte hour iba, ke ntre nnyịn imesịn udọn̄ inọ mbufo ndidiomi ndisịm ke eti ini man otodo mbufo ẹkeme nditịm nse n̄kpọ nnyụn̄ mfiak nnyọn̄ kpa usen oro. Mbọk ẹkụt ẹte ke n̄kpọisan̄ oro ẹdiomide ndida ndi odu ke eti idaha man otodo mbufo ẹkeme ndidi nnyụn̄ mfiak nnyọn̄ ke ifụre kpa ke usen oro. Ẹkpenyene ndiwet ATTENTION: BETHEL OFFICE ke kpukpru leta aban̄ade edidi mbufo. Edieke ẹnyenede urụk ukopikọ, ẹmekeme ndinọ ntọt eke enyọn̄ emi ke urụk ukopikọ ke nsụhọde n̄kaha usen iba ke mbemiso.

◼ Ọtọn̄ọde ke urua eke February 5, 2001, ẹdikpep n̄wed oro Inemesịt—Nte Ẹkemede Ndinyene Enye ke Ukpepn̄kpọ N̄wed Esop.