Edifiak-ndụn̄ọde Eke Ufọkn̄wed Utom Ukara Abasi
Edifiak-ndụn̄ọde ẹkịbide-kịbi n̄wed, esịnede se ẹkenọde ẹnam ke Ufọkn̄wed Utom Ukara Abasi ke mme urua September 4 esịm December 18, 2000. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.
[Tịm fiọk: Ke ini edifiak-ndụn̄ọde emi, emekeme ndikama Bible kpọt mbọrọ mbụme ekededi. Mme n̄wed ndụn̄ọde oro ẹtienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]
Bọrọ m̀mê mme utịn̄ikọ ẹtienede mi ẹdi Akpanikọ m̀mê Nsu:
1. David ikayakke Abishai owot Shimei sia David ekeduede ke mme ikọ oro Shimei okodoride enye. (2 Sam. 16:5-13) [Edikot Bible eke urua ke urua; se w99-E 5/1 p. 32 ikp. eki. 3.]
2. Edisana ubieresịt oro ẹtịmde ẹnọ ukpep idaha ikesịm ufiop ufiop ọkpọkpọ itie ebuana ye Abasi kpọt, edi edi akpan n̄kpọ kaban̄a edinyan̄a nnyịn. (Heb. 10:22; 1 Pet. 1:15, 16) [w98 9/1 p. 4 ikp. eki. 4]
3. Nnyịn ikemeke ndifiọk N̄wed Abasi Christian Usem Greek ọyọhọ ọyọhọ ibọhọke nnyịn imehe ye N̄wed Abasi Usem Hebrew. [w85 8/15 p. 27 ikp. eki. 4]
4. Ẹkeme ndimen Tọsịn Isua Ukara Jesus ndomo ye emem emem, uforo uforo ukara Solomon eke isua 40. (1 Ndi. 4:24, 25, 29) [Edikot Bible eke urua ke urua; se w90 6/1 p. 6 ikp. eki. 5.]
5. Edibụk Abijah ukpono ukpono edi in̄wan̄ in̄wan̄ uyarade nte ke enye ekedi n̄kukụre anam-akpanikọ andituak ibuot nnọ Jehovah, oro okotode ufọk Jeroboam. (1 Ndi. 14:10, 13) [Edikot Bible eke urua ke urua; se w95 4/1 p. 12 ikp. eki. 11.]
6. Ndina baptism nte Christian owụt nte ke owo akabade asan̄autom Abasi oro ọkọride esịm ọyọhọ idaha. [w98 10/1 p. 28 ikp. eki. 2]
7. Jehovah ama ọnọ Elijah uko oro akande eke owo onyụn̄ ekpeme enye ọbiọn̄ọ ndịk. (1 Ndi. 18:17, 18, 21, 40, 46) [Edikot Bible eke urua ke urua; se w98 1/1 p. 31 ikp. eki. 2.]
8. Ọbọn̄ an̄wan Sheba akanam ofụri anyan isan̄ oro ekesịm Jerusalem man okokụt sụk uforo Solomon. [w85 8/15 p. 29 ikp. eki. 2-4]
9. Nnan oro ẹketọde udịmekọn̄ Syria ke uyo Elisha nte an̄wan̄ade ekedi unana edikụt usụn̄ ke n̄kan̄ eke ekikere sia edide mmọ ẹma ẹkeme ndikụt Elisha edi ikekemeke ndidiọn̄ọ owo emi enye edide. (2 Ndi. 6:18, 19) [Edikot Bible eke urua ke urua; se si-E p. 70-71 ikp. eki. 10.]
10. Ediyara “n̄wed ibet,” emi ẹtịn̄de ẹban̄a ke 2 Ndidem 11:12, ekedi ndamban̄a idiọn̄ọ owụtde ete ke ẹkenyene ndisụk ibuot nnọ Ibet Abasi oro edidem akanamde an̄wan̄a ye unana mfan̄a. [Edikot Bible eke urua ke urua; se w91 2/1 p. 31 ikp. eki. 6.]
Bọrọ mme mbụme ẹtienede mi:
11. Ke n̄kemuyo ye 1 John 2:15-17, nso ke mme ete ye eka oro ẹbakde Abasi ẹkpeteme nditọ mmọ ndifep ke ini ẹnọde mmọ ndausụn̄ ke ndimek utom idịbi udia oro odotde? [w98 7/15 p. 5 ikp. eki. 3]
12. Nso ke se ẹtịn̄de ke 2 Samuel 18:8, emi ọdọhọde ete: “Akai onyụn̄ adia ediwak owo akan se ofụt atade” ọwọrọ? [Edikot Bible eke urua ke urua; se w87 3/15 p. 31 ikp. eki. 2.]
13. Mmanie mfịn ke ẹkeme ndimen ndomo ye mme orụk Goliath, kpa nditọ Raphah, ndien nso ke mmọ ẹdomo ndinam? (2 Sam. 21:15-22) [Edikot Bible eke urua ke urua; se w89 1/1 p. 20 ikp. eki. 8.]
14. Mmanie ẹkpenen̄ede ẹbọ ufọn ẹto edumbet Bible aban̄ade n̄kopitem ke 1 Samuel 15:22, 23? [w85 2/15 p. 23 ikp. eki. 1]
15. Nso akpan edumbet ke ẹkeme ndikpep nto n̄kpọntịbe abuanade owo oro ẹkewotde ke ndibiat Sabbath? (Num. 15:35) [w98 9/1 p. 20 ikp. eki. 2]
16. Ke ndinam nso ke nnyịn ikeme ndikpebe ọbọn̄ an̄wan Sheba, oro akanamde anyan isan̄ man okokop “ifiọk Solomon”? (1 Ndi. 10:1-9) [Edikot Bible eke urua ke urua; se w99 7/1 p. 31 ikp. eki. 1, 2.]
17. Nte ekemde ye 1 Ndidem 17:3, 4, 7-9, 17-24, ke nso usụn̄ ita ke Elijah okowụt mbuọtidem ke Jehovah? [Edikot Bible eke urua ke urua; se w92 4/1 p. 19 ikp. eki. 4.]
18. Ntak emi Naboth nditre ndinọ Ahab in̄wan̄ vine esie mîkedịghe ikpîkpu edu nsọn̄ibuot? (1 Ndi. 21:2, 3) [Edikot Bible eke urua ke urua; se w97 8/1 p. 13 ikp. eki. 18.]
19. Didie ke mme ikọ 2 Ndidem 6:16 edi n̄kpọ nsịnudọn̄ ọnọ mme asan̄autom Jehovah mfịn? [Edikot Bible eke urua ke urua; se w98 6/15 p. 18 ikp. eki. 5.]
20. Ke mme usụn̄ ewe ke mme ata Christian mfịn ẹkpekpeme idem ẹbiọn̄ọ edidep itie? [w98 11/15 p. 28 ikp. eki. 5]
Dọn̄ (mme) ikọ m̀mê ubak udịmikọ ẹyomde man ẹyọhọ mme utịn̄ikọ kiet kiet ẹtienede mi:
21. Inaha ata Christian ayak idem ọnọ __________________________ onyụn̄ abuana ke mme ido edinam oro mînemke __________________________ esịt. (N̄ke 29:25; Matt. 10:28) [w98 7/15 p. 20 ikp. eki. 5]
22. Ke ọnọde ikọ ntiense ke iso Edidem Agrippa, Paul ama ada __________________________, eyịrede ke akpan n̄kpọ oro __________________________ ọnọ enye ye Agrippa. (Utom 26:2, 3, 26, 27) [w98 9/1 p. 31 ikp. eki. 3]
23. Sia enyịn __________________________ Abasi, ndusụk owo ẹkeme ndikere ke enye inyeneke idem, edi editịn̄ enyịn __________________________ ofụri ini ayan̄wam owo ‘ndikụt Enye emi enyịn mîkwe.’ (Heb. 11:27) [w98 9/15 p. 21 ikp. eki. 3-4]
24. Nte ẹkụtde ke se iban̄ade __________________________, etubom ekọn̄ Syria, ndusụk ini ẹsibọ akwa ufọn ẹto esisịt __________________________. [Edikot Bible eke urua ke urua; se w99 2/1 p. 3 ikp. eki. 6–p. 4 ikp. eki. 1.]
25. Nte esịt Jehonadab ekekemde ye Jehu, __________________________ mfịn ẹnyịme ke ofụri esịt ẹnyụn̄ ẹdiana kiet ye Akamba Jehu, __________________________, oro __________________________ ke isọn̄ ẹdade ke ibuot. (2 Ndi. 10:15, 16) [Edikot Bible eke urua ke urua; se w98 1/1 p. 13 ikp. eki. 5-6.]
Mek nnennen ibọrọ ke mme utịn̄ikọ kiet kiet oro ẹtienede mi:
26. (Satan; Jehovah; Joab) okonụk David ndinam idiọkn̄kpọ ebe ke ‘ndibat Israel.’ (2 Sam. 24:1) [Edikot Bible eke urua ke urua; se w92 7/15 p. 5 ikp. eki. 2.]
27. Ke n̄kemuyo ye 1 Ndidem 8:1 ye Ecclesiastes 1:1, Solomon ama osop mme owo man (ẹbọp temple; ẹbịne mme asua Israel; ẹtuak ibuot ẹnọ Jehovah). [Edikot Bible eke urua ke urua; se si-E p. 112 ikp. eki. 3.]
28. Ẹkeme ndimen ikpehe isua 20 oro Solomon ọkọbọpde temple ye ufọk esie ke Jerusalem ndomo ye ikpehe ini edinam edinen̄ede ke mme ukpepn̄kpọ ye ndutịm esop oro ọkọtọn̄ọde ke (1919; 1923; 1931) onyụn̄ etrede ke (1938; 1942; 1950). (1 Ndi. 9:10) [Edikot Bible eke urua ke urua; se w92 3/1 p. 20 ekebe.]
29. Ikọ oro “heaven” nte ẹdade ẹtịn̄ ikọ ke 2 Ndidem 2:11 ada aban̄a (ebietidụn̄ Abasi eke spirit; ata ata ekondo; ufụmenyọn̄, emi mme inuen ẹfede ofụm onyụn̄ ofụmede). [Edikot Bible eke urua ke urua; se w97 9/15 p. 15 ekebe.]
30. (Akwa Herod; Caesar Augustus; Tiberius Caesar) okowụk ete ẹnam ubatowo oro okosụn̄ọde ke Jesus ndimana ke Bethlehem utu ke Nazareth. [w98 12/15 p. 7 ekebe]
Wet mme itien̄wed ẹtienede mi ẹkekem ye mme utịn̄ikọ ẹwetde mi ke idak:
Ps. 15:4; 2 Sam. 12:28; 2 Sam. 15:18-22; 2 Ndi. 3:11; Col. 3:13
31. Ẹkpenyene ndikpono itieibuot ke ndutịm ukara Abasi. [Edikot Bible eke urua ke urua; se si-E p. 63 ikp. eki. 30.]
32. Ẹnyene ndisọn̄ọ nda nnam akpanikọ nnọ esop Jehovah ye mme andida ke ibuot esie. [Edikot Bible eke urua ke urua; se si-E p. 63 ikp. eki. 30.]
33. Esịtekọm ẹnyenede ẹban̄a mbọm Jehovah ekeme ndinụk owo ndifara ke idem nnyụn̄ mfen mme ndudue. [w98 11/1 p. 6 ikp. eki. 3]
34. Edi akwa ifet ndiwụt ntatubọk nnyụn̄ nnam n̄kpọ ke nsụhọdeidem nnọ mme anam-akpanikọ asan̄autom Jehovah oro ẹnamde san̄asan̄a utom. [Edikot Bible eke urua ke urua; se w97 11/1 p. 31 ikp. eki. 1.]
35. Owo emi abakde Abasi esịn ofụri ukeme esie ndinam ikọ esie nnyụn̄ n̄kpe mme isọn esie, idem ọkpọkọm idaha unana idotenyịn anamde oro enen̄ede edi ọkpọsọn̄ akan nte ẹkedoride enyịn. [w98 11/15 p. 27 ikp. eki. 1]