Ufọkn̄wed Utom Ukara Abasi eke 2001
1 Ediwak ntak N̄wed Abasi ẹdu oro akpanamde kpukpru nnyịn inen̄ede ibuana nte ikekeme ke Ufọkn̄wed Utom Ukara Abasi.—N̄ke 15:23; Matt. 28:19, 20; Utom 15:32; 1 Tim. 4:12, 13; 2 Tim. 2:2; 1 Pet. 3:15.
2 Ndutịm edikot Bible eke urua ke urua edi ikpehe ndutịm ufọkn̄wed ke anyan ini. Oro ọwọrọ ndikot page Bible kiet ke usen ke usen. Ọtọn̄ọde ke isua emi, ẹtịm edikot Bible n̄ko ẹnọ kpukpru urua edifiak-ndụn̄ọde oro ẹwetde-wet. Udiana ndutịm edikot, oro ẹkediande ke isua ita emi ẹkebede, okụre. Edi edieke oyomde ndikot itie Bible n̄kan se idude ke ndutịm, afo emekeme ndinam ndutịm edikot fo.
3 Utịn̄ikọ Nọ. 2 ọnọ nditọete iren ukpep ke “edikot” Ikọ Abasi. (1 Tim. 4:13) Ke ini afo enyenede edikot Bible, kot enye uyo ọwọrọ ndien ndien.
4 Utịn̄ikọ Nọ. 3 ye Nọ. 4 ẹkọn̄ọ ke Mme Ibuotikọ Bible Ndida Nnyene Nneme, oro ẹketịmde ndida nnam n̄kpọ ke an̄wautom ye n̄wed N̄kparawa Owo Ẹbụp. Edieke ebiet ẹdade n̄kpọ ẹto awakde akan se afo edikemede ndinam ke ini ẹnọde, sat sụk se idinen̄erede inyene ufọn inọ efakutom esop mbufo. Ẹkeme nditịm enye ke usụn̄ ekededi oro odotde ye efakutom mbufo.
5 Sịn ofụri ukeme fo ndinọ utịn̄ikọ fo ke ufọkn̄wed. Da ini tịm idem edifọn edifọn, nyụn̄ tịn̄ ikọ to esịt. Afo eyedi n̄kpọ nsịnudọn̄ ọnọ esop, oyonyụn̄ ọbọ ọkpọkpọ ufọn ebe ke ndibuana ke Ufọkn̄wed Utom Ukara Abasi eke 2001 ke ofụri esịt.