Mme Ntọt
◼ Mme n̄wed ẹnọde ke January: N̄wed ekededi oro enyenede page 192 oro ẹkemịn̄de mbemiso 1986 oro esop enyenede ke itie unịm n̄wed. February: Ediyarade—Ubọn̄ Ubọn̄ Ata-Utịt Esie Emekpere!, m̀mê n̄kani n̄wed ekededi oro ẹnyenede page 192 oro esop enyenede ke itie unịm n̄wed. March: Ifiọk Oro Adade Osịm Nsinsi Uwem. Ẹyesịn san̄asan̄a ukeme nditọn̄ọ mme ukpepn̄kpọ Bible. April: Magazine Enyọn̄-Ukpeme ye Awake! Ke ebiet ẹkụtde udọn̄ ke mme mfiakn̄ka, ẹkeme ndinọ mme editobo. Nọ n̄wed Ifiọk m̀mê ediye uduot ekpri n̄wed Oyom, ye ekikere editọn̄ọ mme ukpepn̄kpọ Bible.
◼ N̄ka oyom mme ọdiọn̄-ukwakutom, mme odomo isọn̄, ye mme ewet mbuwed ufọk oro ẹdotde ẹnyụn̄ ẹnyenede ifiọk ubọpn̄kpọ. Owo ekededi oro ekerede ke imọ imodot onyụn̄ enyenede udọn̄ ndinam utom ke Bethel ekpenyene ndiwet man anam N̄ka ọdiọn̄ọ. Leta oro ekpenyene ndisịne ntọt aban̄ade idaha ifiọkn̄wed esie ye mme n̄weditoro oro enye enyenede. Mme andisịn n̄wed eben̄e ẹkpenyene ndidi mme owo emi mîdọhọ ndọ m̀mê mbon emi ẹdọde ndọ edi mînyeneke nditọ oro ẹberide edem ke mmọ, ẹkpenyụn̄ ẹnyene ifụre ndinyịme ikot ndidi Bethel. Mbon oro mîkemeke ndinyịme ikot ndinam utom ke Bethel edi oro ẹnyịmede ndinọ idemmọ ndinam utom nte mme anamutom unyịmesịt ke ibio ini m̀mê ndin̄wam ke ubak ini ẹkpenyene ndiwet n̄ko ndinam N̄ka ọdiọn̄ọ.
◼ Mbọk ẹtịm ẹfiọk ẹte ke Editi eke isua 2002 edidi ke Thursday, March 28, ke utịn ama okosụhọde inyụn̄ idịghe ke Friday, March 22, nte ẹwụtde ke utịt 2001 Calendar. Ẹnọ mbemiso ntọt emi man nditọete ẹkeme ndinam ndutịm oro odotde ndimụm m̀mê ndibọ mme ufọkmbono ẹmi ẹdude nnịm ke ini ediwak esop ẹdade Ufọkmbono Obio Ubọn̄ ẹnam n̄kpọ ndien anade mmọ ẹyom mme ufọk efen. Mbiowo ẹkpenyene ndinam ediomi ye mme akamautom man ẹkụt ẹte ke mme edinam efen ke ufọk oro ididaha ndutịme idi man Editi ekeme ndika iso emem emem ye ke ido nte eyede. Ke ntak nte usọrọ emi edide akpan n̄kpọ, ke ndimek etịn̄ikọ Editi, otu mbiowo ekpenyene ndimek kiet ke otu mbiowo emi etịmde odot utu ke n̄kukụre ndinọ owo kiet kiet ufan̄ m̀mê ndinam eyenete kiet ọnọ kpukpru isua. Ukpụhọde edidi edieke ebiowo oro ẹyetde aran emi enyenede ukeme, emi ekemede ndinọ utịn̄ikọ oro, odude.
◼ Kpukpru asuanetop ẹmi ẹma ẹkena baptism emi ẹdụkde Esoputom ke urua January 8 ẹkeme ndibọ kad Advance Medical Directive/Release ẹnyụn̄ ẹbọ Identity Card ẹnọ nditọ mmọ.
◼ Ọtọn̄ọde ke February, ndien ke mîbịghike ikan March 4, obufa utịn̄ikọ an̄wa mme esenyịn circuit edidi “Usen Ikpe—Ini Ndịk m̀mê Idotenyịn?”
◼ Mme esop ẹkpenyene ndinam mme ndutịm oro ẹdotde ndinịm Editi isua emi ke Sunday, April 8, ke utịn ama okosụhọde. Okposụkedi ẹkemede ndibak ntọn̄ọ utịn̄ikọ, edimen mme n̄kpọ idiọn̄ọ Editi nsan̄a n̄kanade ikpenyeneke nditọn̄ọ ibọhọke ke utịn ama okosụhọde. Ẹnam ndụn̄ọde ke n̄kann̄kụk man ẹfiọk ini emi utịn esisụhọrede ke n̄kan̄ mbufo. Sia owo mîdinịmke mbono esop efen ke ebede mbono an̄wautom ke usen oro, ẹkpenyene ndinam ndutịm oro odotde nnọ Ukpepn̄kpọ Enyọn̄-Ukpeme man ẹnịm ke ini efen. Oyoyom mme esenyịn circuit ẹkpụhọ ndutịm mbono esop mmọ urua oro nte ekemde ye mme idaha n̄kann̄kụk. Okposụkedi esop kiet kiet akpamade ndinịm usọrọ Editi esie, emi ekeme nditre ndidi mmemmem ndinam kpukpru ini. Ke ebiet emi ediwak esop ẹsidade Ufọkmbono Obio Ubọn̄ ẹnam n̄kpọ, ekeme ndidi esop kiet m̀mê awakde akan oro ekeme ndibọ itie efen ndida nnam n̄kpọ ke mbubịteyo oro. Ke ebiet ẹkemede, nnyịn inọ ekikere ite ẹyak minit 40 ebe mbemiso ẹtọn̄ọde edinam en̄wen man kpukpru owo ẹkeme ndibọ ufọn ọyọhọ ọyọhọ nto edinam oro, ayakde ini odu ndikọm isenowo nnyụn̄ nsịn udọn̄ nnọ mbufa mbon oro ẹnyenede udọn̄. Ẹkpenyene ndikere n̄ko mban̄a nte n̄kpọisan̄ ẹwakde ke usụn̄ ye itie ubon ubomisọn̄, esịnede edisụk ye edimen mme akaisan̄. Mbiowo ẹkpenyene ndibiere mme ndutịm oro ẹdifọnde ikan ke n̄kann̄kụk.
◼ Ẹdinọ akpan utịn̄ikọ ini Editi eke 2001 ke Sunday, April 1. Ibuotikọ utịn̄ikọ oro edidi “Mmanie ke Ẹkeme Ndinyan̄a?” Ẹyenọ n̄wed utịn̄ikọ. Mme esop oro ẹnyenede edidi esenyịn circuit, mbono circuit, m̀mê usen akpan mbono ke utịturua oro ẹdinọ akpan utịn̄ikọ oro ke urua eke April 9. Esop ndomokiet ikpenyeneke ndinọ akpan utịn̄ikọ emi mbemiso April 1, 2001.
◼ Nsiondi Utom Obio Ubọn̄ Nnyịn emi esịne ọyọhọ ndutịm ukpepn̄kpọ n̄wed oro Inemesịt—Nte Ẹkemede Ndinyene Enye. Afo emekeme ndinam idem efen efen nsịn ke ọkpọkpọ n̄wed fo man ekeme ndisọp nse.