Mme Ntọt
◼ Mme n̄wed ẹnọde ke April ye May: Magazine Enyọn̄-Ukpeme ye Awake! Ke ebiet ẹkụtde udọn̄ ke mme mfiakn̄ka, ẹkeme ndinọ mme editobo. Nọ n̄wed Ifiọk m̀mê ediye uduot ekpri n̄wed Oyom, ye ekikere editọn̄ọ mme ukpepn̄kpọ Bible. June: Nso ke Abasi Oyom Oto Nnyịn? m̀mê Ifiọk Oro Adade Osịm Nsinsi Uwem. Wụk ntịn̄enyịn ke nditọn̄ọ mme ukpepn̄kpọ Bible. July: Ẹkeme ndikama ekededi ke otu ndiye uduot n̄kpri n̄wed ẹnyenede page 32 ẹtienede mi: Dara Uwem ke Isọn̄ ke Nsinsi!, Enyịn̄ Abasi Oro Edibịghide ke Nsinsi, Ke Ini Owo Oro Afo Amade Akpade, Nso Idi Uduak Uwem?, Didie ke Afo Ekeme Ndikụt Enye?, Nso Itịbe inọ Nnyịn ke Ini Nnyịn Ikpade?, Nte Abasi Enen̄ede Ekere Aban̄a Nnyịn?, Nte Afo Ekpenyene Ndinịm Abasi-Ita-ke-Kiet ke Akpanikọ?, “Sese! Mmanam Kpukpru N̄kpọ Ẹdi Mbufa,” ye Ukara Emi Edidade Paradise Edi. Ke ebiet oro odotde, ẹkeme ndinọ ndiye uduot n̄kpri n̄wed emi Afo Emekeme Ndidi Ufan Abasi!, N̄wed Ofụri Owo, ye Spirit Mme Akpan̄kpa—Nte Mmọ Ẹkeme Ndin̄wam Fi m̀mê Ndinọ Fi Unan? Nte Mmọ Ẹnen̄ede Ẹdu?
◼ Odot N̄ka enyene n̄wetnnịm n̄kpọ eke idahaemi aban̄ade mme adres ye nọmba urụk ukopikọ kpukpru mme esenyịn oro ẹtiede ibuot ye mme ewetn̄wed. Edieke ukpụhọde odude ke ini kiet ekededi, ewetn̄wed ekpenyene ndiwet n̄kpọ nyọhọ nnyụn̄ nnọ babru Presiding Overseer/Secretary Change of Address (S-29) ẹsọk N̄ka usọp usọp.
◼ Akpana mme ewetn̄wed esop ẹnyene mme babru Application for Regular Pioneer Service (S-205) ye Application for Auxiliary Pioneer Service (S-205b) oro ẹkemde. Ẹkeme ndida Literature Request Form (S-14) ntobo mmọ emi. Ẹnyene ke nsụhọde n̄kaha se idikemde ke isua kiet. Ẹdụn̄ọde kpukpru n̄wed eben̄e usiakusụn̄ ofụri ini ndikụt nte ke ẹwet n̄kpọ ẹyọhọ mmọ. Edieke mbon oro ẹsịnde n̄wed eben̄e mîtịghi nnennen usen baptism mmọ, mmọ ẹkpenyene ndimek usenọfiọn̄ nnyụn̄ n̄wet enye nnịm.
◼ Ọtọn̄ọde ke urua July 2, 2001, nnyịn ididụn̄ọde n̄wed Inemesịt—Nte Ẹkemede Ndinyene Enye ke Ukpepn̄kpọ N̄wed Esop, ikụrede ibuot ition ke urua kiet kiet. Ọtọn̄ọde ke urua July 30, 2001, nnyịn idikpep Ntịn̄nnịm Ikọ Isaiah—Un̄wana Ofụri Ubonowo I ke Ukpepn̄kpọ N̄wed Esop.
◼ Mbon oro ẹbuanade ye esop ẹkpenyene ndinọ kpukpru mbufa editobo ye edifiak ntobo kaban̄a Enyọn̄-Ukpeme ye Awake! oro ẹkebọde ẹto mbon oro ẹnyenede udọn̄ ẹbe ke esop.
◼ N̄ka inamke n̄kpọ iban̄a n̄wed oro asuanetop kiet kiet ẹtobode. Esenyịn oro etiede ibuot ekpenyene ndidiomi man ẹnọ ntọt ke ọfiọn̄ kiet kiet mbemiso ẹnọde editobo eke ọfiọn̄ ke ọfiọn̄ eke esop ẹsọk N̄ka man kpukpru mbon emi ẹnyenede udọn̄ ndibọ ọkpọkpọ n̄wed ẹkeme ndisian eyenete emi akamade n̄wed. Mbọk ti mme n̄wed ẹbọde ke san̄asan̄a eben̄e.
◼ Ke May 26, ẹyeberi okụre Bethel. Mbọk ẹkûdi ndisan̄a n̄kanade m̀mê ndidi ndimen mme n̄wed ke usenọfiọn̄ emi.
◼ Ini ekededi emi anamde ọkpọkpọ ndutịm uka isan̄ esịnede edidụk mme mbono esop, mbono circuit, m̀mê mbono district ke idụt efen, ana afo eben̄e ntọt aban̄ade usenọfiọn̄, ini, ye mme ebiet oto ọfis n̄kọk itieutom oro esede n̄kpọ aban̄a utom ke idụt oro. Ẹwet adres mme ọfis n̄kọk itieutom ke akpatre page ke Yearbook eke ndondo emi.