Mme Ntọt

◼ Mme n̄wed ẹnọde ke August ye September: Edibọhọ Ndụk Obufa Isọn̄. Ke ebiet emi ndomokiet mîdụhe, ẹkeme ndinọ n̄kani n̄wed ekededi oro ẹnyenede page 192. October: Magazine Enyọn̄-Ukpeme ye Awake! Ke ebiet ẹkụtde udọn̄ ke mme mfiakn̄ka, ẹkeme ndinọ mme editobo. November: Nso ke Abasi Oyom Oto Nnyịn? mîdịghe Ifiọk Oro Adade Osịm Nsinsi Uwem. Edieke edide mme owo ẹma ẹnyenyene mmọ emi, ẹkeme ndinọ akani n̄wed efen.

◼ Ke ntọt aban̄ade n̄wed mme nnan oro odude ke Utom Obio Ubọn̄ Nnyịn eke June 2001, ẹma ẹtịn̄ se itienede mi ẹban̄a n̄wed oro Ẹtịm Man Inam Utom Nnyịn Ima: “(Eboho inan̄; enyene mme asuanetop oro mînaha baptism kpọt).” Emi ekpenyene ndikot: “(eboho inan̄; enyene mme asuanetop kpọt).”

◼ Esenyịn oro etiede ibuot m̀mê owo en̄wen oro enye emekde ekpenyene ndidụn̄ọde ibatokụk esop ke September 1 m̀mê usọp usọp nte ẹkekeme ke oro ebede. Ke ẹma ẹkenam emi, tọt esop ke ẹma ẹkekot ntọt ibatokụk efen.

◼ Ẹnọ mme babru oro ẹkemde ẹsọk esop kiet kiet ndikama ke isua utom 2002. Mbọk ẹda mme babru emi ẹnam n̄kpọ ye mbufiọk. Ẹkpenyene ndida mmọ nnam se ẹkenamde mmọ ẹnọ kpọt.

◼ Ọtọn̄ọde ke isua emi, mme asiakusụn̄ ofụri ini ididotke ndidụk Ufọkn̄wed Utom Usiakusụn̄ ibọhọke mmọ ẹdi ke nsụhọde n̄kaha isua 16 ke emana ke September 1 eke isua oro mmọ ẹdụkde ufọkn̄wed emi. Idaha ẹsiode ẹfep edi edieke ete m̀mê eka asiakusụn̄ emi edide ekpri eyen do odotde ndidụk ukem ufọkn̄wed oro.

◼ Ẹkpenyene ndidian ibat ofụri n̄wed ye magazine oro ẹdude, emi ẹsidiande ke isua ke isua ke August 31, 2001, m̀mê se ikperede oro nte ẹkekeme. Edidian ibat emi edi ukem ye ata ata edibat oro anam-ndutịm n̄wed esinamde ke ọfiọn̄ ke ọfiọn̄, ndien ẹkpenyene ndiwet ofụri ibat nsịn ke babru Literature Inventory (S-18). Ẹkeme ndibọ ibat ofụri magazine ẹdude nto mme asan̄autom ẹkamade magazine ke esop kiet kiet oro ẹdude ke otu n̄wed. Esop kiet kiet oro edide anam ndutịm ọyọbọ babru Literature Inventory (S-18) ita. Mbọk ẹnọ akpa ikọn̄ oro ẹsọk N̄ka okûbịghi akan September 6. Ẹsịn udiana ikọn̄ ke n̄kpọ udọn̄ n̄wed mbufo. Ẹkeme ndikama ọyọhọ ikọn̄ ita nte n̄kpọ uwetn̄kpọ. Ewetn̄wed ke esop oro anamde ndutịm ekpenyene ndise enyịn ke edidian ibat emi. Ewetn̄wed ye esenyịn oro etiede ibuot ke esop oro anamde ndutịm ẹyesịn ubọk ke babru emi.

◼ Ọtọn̄ọde ke August 27, 2001, esịm September 1, 2001, N̄ka ayadian ibat ofụri n̄wed emi ẹdude ke Bethel Igieduma. Ke ntak udian ibat emi, owo idinọhọ mme n̄wed oro esop ẹtobode ẹwọrọ ke mme usen emi.