Mme Ntọt

◼ Mme n̄wed ẹnọde ke March: Ifiọk Oro Adade Osịm Nsinsi Uwem. Ẹyesịn san̄asan̄a ukeme nditọn̄ọ mme ukpepn̄kpọ Bible. April ye May: Magazine Enyọn̄-Ukpeme ye Awake! Mme asuanetop ẹkpenyene ndinam mme enyeneufọk ẹfiọk ẹte ke edieke mmọ ẹyomde, mmọ ẹkeme nditịp etịbe kaban̄a utom ofụri ererimbot. Ke ebiet oro ẹwụtde udọn̄, nọ ediye uduot ekpri n̄wed Oyom, esịnde san̄asan̄a ukeme nditọn̄ọ mme ukpepn̄kpọ Bible. June: Nso ke Abasi Oyom Oto Nnyịn? m̀mê Ifiọk Oro Adade Osịm Nsinsi Uwem. Ke ini mme enyeneufọk ẹnyenede mme n̄wed emi, nọ ediye uduot ekpri n̄wed oro odotde emi esop enyenede ke itie unịm n̄wed.

◼ Mme asuanetop oro ẹduakde ndinam utom nte mme asiakusụn̄ unọ un̄wam ke April ẹkpenyene ndinam ndutịm mmọ idahaemi nnyụn̄ mbabak nsịn n̄wed eben̄e mmọ. Emi ayan̄wam mbiowo ndinam mme ndutịm an̄wautom oro ẹyomde nnyụn̄ nnam mme magazine ye mme n̄wed eken oro ẹkemde ẹdu. Ẹkpenyene nditọt enyịn̄ kpukpru owo oro ẹnọde unyịme ndinam utom usiakusụn̄ unọ un̄wam nnọ esop kpukpru ọfiọn̄.

◼ Ẹdinịm Editi ke Thursday, March 28, 2002. Edieke esop mbufo esinyenede mme mbono esop ke Thursday, ẹnyene ndiwọn̄ọde mmọ nnịm usen efen ke urua oro edieke ufan̄ odude ke Ufọk mbono Obio Ubọn̄. Edieke owo mîkemeke ndinam emi ndien otụkde Esoputom mbufo, ẹkeme ndisịn ikpehe oro enen̄erede enyene n̄kpọ ndinam ye esop mbufo ke Esoputom efen.

◼ Ọfis n̄kọk itieutom inamke n̄kpọ iban̄a n̄wed oro asuanetop kiet kiet otobode. Esenyịn oro etiede ibuot ekpenyene ndidiomi man ẹnọ ntọt ke ọfiọn̄ kiet kiet mbemiso ẹnọde editobo eke ọfiọn̄ ke ọfiọn̄ oro esop otobode ẹsọk N̄ka man kpukpru mbon emi ẹnyenede udọn̄ ndibọ ọkpọkpọ n̄wed ẹkeme ndisian eyenete emi akamade n̄wed. Mbọk ti mme n̄wed ẹbọde ke san̄asan̄a eben̄e.

◼ Ẹkpenyene nditobo n̄wed mme nnan ebe ke esop. Ẹnyene ndida san̄asan̄a Literature Request Form (S-14) ntobo n̄wed mme nnan, esịnede enyịn̄ ye adres andikot n̄wed mme nnan. Mbọk wet, ATTENTION: BRAILLE DESK.

◼ Edi akpan n̄kpọ nte mme otu ẹsịnede owo 20 m̀mê akande oro emi ẹdiomide ndidi ndise ọfis n̄kọk itieutom ẹsibem iso ẹwet ẹnọ Watch Tower Society, P.M.B. 1090, Benin City 300001, Edo State. Mbọk ẹnọ ntọt ẹban̄a ibat owo oro ẹdidide, usenọfiọn̄, ye ini oro ẹdidide. Otu mbiowo esop oro edidide ẹkpenyene ndikụt ke mmimọ imenyene enyịn̄ kpukpru mbon oro ẹsan̄ade ye mmimọ, ẹwụtde in̄wan̄-in̄wan̄ mbon oro ẹnade baptism, mme asuanetop oro mînaha baptism, ye mme owo oro ẹnyenede udọn̄. Owo idiyakke mbon efen ẹnam isan̄ ẹkanade ẹse n̄kpọ ye esop ibọhọke mbon oro ẹkewetde enyịn̄ mmọ. Ẹkụt ẹte ke ẹmebabak ẹdaha man mbufo ẹkeme ndifiak nnyọn̄ kpa ke usen oro ke ẹma ẹkekụre edisan̄a n̄kanade nse n̄kpọ. Ẹkụt ẹte ke n̄kpọisan̄ mbufo ẹdu ke eti idaha. Mbemiso ẹdide, mbọk ẹdụn̄ọde Ekebe Mbụme ke Utom Obio Ubọn̄ Nnyịn eke March 1998 kaban̄a nnennen usịnen̄kpọ ye ukamaidem ke ini ẹkade ndise mme ufọkidụn̄ Bethel.

◼ Enyọn̄-Ukpeme odu idahaemi ke nsiondi ikpọ abisi ke Efịk, Igbo, ye Yoruba.

◼ Mbufa N̄wed Ẹdude:

A Satisfying Life—How to Attain It—Ikọmbakara

Does Fate Rule Our Lives?—Or Does God Hold Us Responsible? (ẹnam ẹnọ mbon Muslim) (Tract Nọ. 71)—Ikọmbakara

The Greatest Name (ẹnam ẹnọ mbon Muslim) (Tract Nọ. 72)—Ikọmbakara

Who Are Jehovah’s Witnesses? (ẹnam ẹnọ mbon Muslim) (Tract Nọ. 73)—Ikọmbakara

Hellfire—Is It Part of Divine Justice? (ẹnam ẹnọ mbon Muslim) (Tract Nọ. 74)—Ikọmbakara

Watch Tower Publications Index 1986-2000—Ikọmbakara