Ndụn̄ọde Ufọkn̄wed Utom Ukara Abasi

Ẹdineneme mme mbụme oro ẹtienede mi ke Ufọkn̄wed Utom Ukara Abasi ke urua ọtọn̄ọde February 24, 2003. Esenyịn ufọkn̄wed edise aban̄a ndụn̄ọde emi ke minit 30, ọkọn̄ọde ke se ẹkenọde ẹnam ke mme urua January 6 esịm February 24, 2003. [Tim fiọk: Ke mbụme oro owo mîsiakke n̄wed oro edikụtde ibọrọ, afo enyene ndinam ndụn̄ọde ke idemfo nyom mme ibọrọ mbụme emi.—Se n̄wed Ufọkn̄wed Utom, p. 36-37.]

MME IDO UTỊN̄IKỌ

1. Akpanikọ m̀mê Nsu: Ukpọhọde edikot n̄wed ọfọn edi ndikụt nte ke se ẹkotde etie nte enen, idem ọkpọkọm enye enyene esisịt ukpụhọde ye se ẹwetde. Nam an̄wan̄a. [be-EF p. 83]

2. Sịn ikọ yọhọ mme ukpọk ufan̄ emi: Man ẹkot n̄wed ọfọn, ana owo ․․․․․․․․, ․․․․․․․․, ․․․․․․․․ onyụn̄ okot uyo ọwọrọ. [be-EF p. 85]

3. Ntak edide akpan n̄kpọ nditịn̄ ikọ an̄wan̄a? (1 Cor. 14:8, 9) [be-EF p. 86]

4. Nso idi ndusụk n̄kpọ oro ẹkemede ndinam ikọ okûn̄wan̄a, ndien nso ke nnyịn ikeme ndinam man itịn̄ ikọ enen̄ede an̄wan̄a? [be-EF p. 87-88]

5. Nso idi ndusụk ikọ oro ẹkotde ke Ufọkn̄wed Utom Ukara Abasi ke ọfiọn̄ iba oro ẹkebede oro afo ekerede ke akpana ekpep ndikot ọfọn? [be-EF p. 92]

UTỊN̄IKỌ NỌ. 1

6. Akpanikọ m̀mê Nsu: Enyịn nnyịn ẹkeme ndin̄wam nnyịn ndikpan̄ utọn̄. Nam an̄wan̄a. [be-EF p. 14]

7. Sịn ikọ yọhọ mme ukpọk ufan̄ emi: N̄kpọntịbe oro Paul okosobode ke usụn̄ emi enye akakade Damascus ama owụt ke usụn̄ oro owo mîkemeke ndineni nte ke ․․․․․․․․ ekedi ․․․․․․․․, m̀mê ․․․․․․․․ oro ẹken̄wọn̄ọde, kpa andikara ini iso ke Obio Ubọn̄ oro ẹken̄wọn̄ọde. [w01-EF 4/1 p. 5 ikp. eki. 5]

8. Sịn ikọ yọhọ mme ukpọk ufan̄ emi: Paul ama ọbọ ufọn oto eti mbụk koro enye ama ․․․․․․․․ ndifehe n̄kpọn̄ se ikesidian̄arede enye ikpọn̄ Abasi ama onyụn̄ ebịne mme utịtmbuba oro ẹkedude ke n̄kemuyo ye uduak Abasi ke ․․․․․․․․. [w01-EF 4/1 p. 6 ikp. eki. 4]

9. Didie ke uwụtn̄kpọ Hannah, Mark, ye eke Elijah ẹkeme ndin̄wam nnyịn ndiyọ mmemidem? Didie ke nnyịn ikeme ndida mme uwụtn̄kpọ emi n̄n̄wam mbon efen? [w01-EF 2/1 p. 20-23]

10. Didie ke ifiọk oro inyenede iban̄a mbre mbuba eset esịn un̄wana ke ndusụk ufan̄ikọ Bible? Didie ke ntọt emi okpotụk uwem nnyịn? [w01-EF 1/1 p. 28-31]

EDIKOT BIBLE EKE URUA KE URUA

11. Akpanikọ m̀mê Nsu: Sia ẹma ẹkewụk Obio Ubọn̄ Abasi ke heaven ke 1914, idotke aba ndibọn̄ akam nte, “Yak Ubọn̄ Fo edi.” (Matt. 6:10) Nam an̄wan̄a. [be-EF p. 279; w96-EF 6/1 p. 31]

12. Akpanikọ m̀mê Nsu: Ikọ Jesus oro ẹwetde ke Matthew 11:24 ọwọrọ nte ke ẹyenam mbon oro Jehovah akadade ikan̄ osobo ke Sodom ye Gomorrah ẹset ke n̄kpa. Nam an̄wan̄a.

13. Mek Nnennen Ibọrọ: Asan̄autom emi anamde akpanikọ, onyụn̄ enyenede ọniọn̄ oro Jesus eketịn̄de aban̄a ke Matthew 24:45-47 edi (a) Otu Ukara eke Mme Ntiense Jehovah; (b) kpukpru Christian oro ẹyetde aran nte otu, oro ẹdude ke isọn̄ ke ikpehe ini ekededi; (c) Jesus Christ ke idemesie. “Mbon ufọk” oro asan̄autom emi ọnọde udia eke spirit ke edikem ini, ada aban̄a (a) owo kiet kiet oro ẹyetde aran; (b) mme erọn̄ en̄wen; (c) kpukpru mme andikot n̄wed Christian. Eteufọk ekemek ofụn ndise mban̄a kpukpru se enye enyenede ke isua (a) 1914; (b) 33 E.N.; (c) 1919.

14. Mek Nnennen Ibọrọ: Iyịre oro ẹtịn̄de ẹban̄a ke n̄ke Jesus ke Matthew 13:47-50 esịne esop mme Christian oro ẹyetde aran ye (a) Obio Ubọn̄ Messiah Abasi; (b) mme erọn̄ en̄wen ẹdide nsan̄a mmọ: (c) Christendom.

15. Nte ekemde ye ikọ Jesus oro ẹwetde ke Matthew 5:24, nso ke akpanam edieke etiede fi nte ke emedue ekemmọ andituak ibuot? [g96-E 2/8 p. 26-27]