Da N̄wed Tuak Ibuot nọ Abasi Nịm Mme Ukpepn̄kpọ Bible
Ẹtịm n̄wed Tuak Ibuot nọ Ata Abasi Kierakiet man an̄wam mbufa owo ndikọri ke akpanikọ onyụn̄ anam esịtekọm oro mmọ enyenede ẹnọ Abasi ye esop esie otụn̄ọ. Ẹkeme ndida enye n̄kpep nditọ ukpepn̄kpọ Bible nte udiana n̄wed ukpepn̄kpọ. Utom Obio Ubọn̄ Nnyịn eke June 2000 page 4, anam an̄wan̄a ete: “Edieke uyarade odude nte ke owo oro ke anam n̄kọri, okposụkedi edide sụn̄sụn̄, ye nte ke enye ke ọkọri esịtekọm ọnọ se enye ekpepde, do ka iso ke ukpepn̄kpọ Bible ke udiana n̄wed ke ama okokụre ediye uduot ekpri n̄wed Oyom ye n̄wed Ifiọk. . . . Ke kpukpru idaha, ediye uduot ekpri n̄wed Oyom ye n̄wed Ifiọk ke ẹdibem iso ikpep. Ẹkpenyene ndibat ukpepn̄kpọ Bible, mfiakn̄ka, ye ini oro ẹbiatde ndika iso ke ukpepn̄kpọ oro idem edieke eyen ukpepn̄kpọ anade baptism mbemiso ẹkụrede udiana n̄wed.”
Mmanie efen ẹkeme ndibọ ufọn nto edida n̄wed Tuak Ibuot nọ Abasi nnịm ukpepn̄kpọ Bible? Ukem ibuotikọ oro aka iso ete: “Edieke afo ọfiọkde owo emi ekekpepde [ediye uduot ekpri n̄wed Oyom ye] n̄wed Ifiọk ke ini edem edi mînamke n̄kọri isịm uyakidem ye baptism, ekeme ndidi afo ayanam usio-ukot ndise m̀mê mmọ ẹyema ndifiak n̄kpep Bible.” Ẹyak nnyịn isịn akpan ukeme nditọn̄ọ mme ukpepn̄kpọ ke n̄wed Tuak Ibuot nọ Abasi ye utọ mbon oro ke April ye May.