Se Ẹkpetịn̄de Ẹban̄a Mme Magazine

Enyọn̄-Ukpeme Aug. 15

“Ata ediwak owo ẹma ndinyene eti enyịn̄. Ndusụk mmọ ẹkam ẹkere nte ẹditide mmimọ ke ẹma ẹkekpan̄a. Nte akanam emekere aban̄a oro? [Bet ibọrọ. Ekem kot Ecclesiastes 7:1.] Enyọn̄-Ukpeme emi eneme nte nnyịn ikemede ndinyene eti enyịn̄ ke iso owo ye ke iso Abasi.”

Awake! Aug. 22

“Edieke edide afo m̀mê andibuana ke ubon fo akanam osobo mfiomo, afo ọyọfiọk nte oro ekemede ndikama editịmerede esịt. [Bet enye etịn̄ ekikere esie.] Nsiondi Awake! emi ọnọ mbon oro ẹsisobode mfiomo nti ekikere. Enye n̄ko eneme un̄wọn̄ọ Abasi kaban̄a ini emi utọ mme mfịna emi mîdidụhe aba tutu amama.” Kot Micah 4: 4.

Enyọn̄-Ukpeme Sept. 1

“Ediwak owo ẹkere nte ke ediwak ido ukpono ẹdi sụk nsio nsio usụn̄ adade aka ukem ebiet. Mbon en̄wen ẹnịm nte ke ido ukpono akpanikọ kiet kpọt odu. Nso idi ekikere fo? [Bet ibọrọ.] Magazine emi etịn̄ aban̄a n̄ke eset kiet oro ọbọrọde mbụme emi.” Sio mme akpan n̄kpọ ke Matthew 13:24-30 wụt.

Awake! Sept. 8

“Ido usịnen̄kpọ enen̄ede akara uwem mme owo mfịn. Ndusụk owo ẹkere nte ke ẹdori nsọn̄uyo ẹkaha ke se mme owo ẹsịnede ye nte mmọ ẹkamade idem. Nso ke afo ekere? [Bet ibọrọ.] Awake! ọnọ ekikere oro adade ukem ukem ke se iban̄ade ido usịnen̄kpọ.” Kot Colossae 3:12.