Se Ẹkpetịn̄de Ẹban̄a Mme Magazine

Enyọn̄-Ukpeme Oct. 15

“Ediwak ubiere oro isinyenede ndinam ẹsitụk ediwak n̄kpọ ke uwem nnyịn. Nso ikeme ndin̄wam nnyịn ndifep ndinam ubiere oro mîwụtke eti ibuot? [Bet ibọrọ. Ekem kot Mme N̄ke 3:6.] Nsiondi Enyọn̄-Ukpeme emi owụt edumbet ition emi ẹkọn̄ọde ke Bible oro ẹkemede ndin̄wam nnyịn ndinam nti ubiere.”

Awake! Oct. 22

“Nte afo emesikop ẹtịn̄de ediwak ini ẹban̄a n̄kpri unam udọn̄ọ oro ibọk mîkemeke ndiwot? [Bet ibọrọ.] Magazine emi odụn̄ọde se inamde emi edi ntem onyụn̄ ọnọ ekikere ke se ikemede ndinam man ikpeme idem nnyịn. Enye n̄ko eneme un̄wọn̄ọ Bible aban̄ade ererimbot oro owo ndomokiet mîdidọn̄ọke aba.” Kot Isaiah 33:24.

Enyọn̄-Ukpeme Nov. 1

“Ndusụk ini mbon oro nnyịn inyenede mbuọtidem ke idem mmọ ẹsikpu nnyịn. Ndi akanam omobụp idemfo, ‘Ndi odu owo oro n̄kemede ndibuọt idem?’ [Bet ibọrọ. Ekem kot Mme N̄ke 3:5.] Magazine emi anam an̄wan̄a ntak emi nnyịn ikemede ndinyene ọyọhọ mbuọtidem ke Abasi. Enye n̄ko eneme nte nnyịn ikemede ndidiọn̄ọ mbon oro ẹdotde nnyịn ibuọt idem ke mmọ.”

Awake! Nov. 8

“Ekpere ndidi mme n̄kpọ oro ẹnyenede ẹto aranisọn̄ ẹtụk kpukpru ikpehe uwem nnyịn. Ndi akanam emekere nte uwem ekpetiede ke mme n̄kpọ oro mîkpodụhe? [Bet ibọrọ.] Magazine emi eneme nte aran akasan̄ade edinyene utọ akpan itie oro ke n̄kaowo eyomfịn. Enye n̄ko anam an̄wan̄a ntak oro nnyịn mîkpefeheke ndịk nte ke usen kiet aran oyokụre.”