Mme Ntọt

◼ Mme n̄wed ẹnọde ke February: Ẹdinọ San̄a Kpere Jehovah. Se ẹnọde ke ukpụhọ edi Afo Emekeme Ndidu Uwem ke Nsinsi ke Paradise ke Isọn̄, Ediyarade—Ubọn̄ Ubọn̄ Ata Utịt Esie Emekpere!, ye Nọ Ntịn̄enyịn ke Prọfesi Daniel! March: Ifiọk Oro Adade Osịm Nsinsi Uwem. April ye May: Nọ Enyọn̄-Ukpeme ye Awake! Ke ini ẹfiakde ẹbịne mbon oro ẹkewụtde udọn̄, ẹsịnede mbon oro ẹkedụkde Editi m̀mê mme edinam ukara Abasi eken, edi oro mîbuanake ifịk ifịk ye esop, ẹwụk ntịn̄enyịn ke ndinịm n̄wed Tuak Ibuot nọ Abasi. Ẹkpenyene ndisịn ofụri ukeme nditọn̄ọ ukpepn̄kpọ Bible, akpan akpan edieke edide ndusụk owo ẹma ẹkpekpep n̄wed Ifiọk ye ediye uduot ekpri n̄wed Oyom.

◼ Esenyịn oro etiede ibuot m̀mê owo en̄wen oro enye emekde ekpenyene ndidụn̄ọde ibatokụk esop ke March 1 m̀mê usọp usọp nte ekekeme ke oro ebede. Edieke ẹnyenede san̄asan̄a ibatokụk, utọ nte okụk oro ẹdade ẹse ẹban̄a m̀mê ndibọp ufọkmbono Obio Ubọn̄, ẹkpenyene ndinam ndutịm man ẹdụn̄ọde emi n̄ko. Ke ẹma ẹkenam (mme) ndụn̄ọde emi, ẹkpenyene nditọt esop ke ini ẹdikotde ntọt ibatokụk ini efen.

◼ Ewetn̄wed ye esenyịn utom ẹkpenyene ndidụn̄ọde utom kpukpru asiakusụn̄ ofụri ini. Edieke owo ekededi enyenede mfịna ndisịm ibat hour oro ẹyomde, mbiowo ẹkpenyene ndinam ndutịm man ẹnọ un̄wam. Man ẹkụt se ẹkemede ndinam, ẹdụn̄ọde mme leta N̄ka S-201 eke isua ke isua.

◼ Ibuotikọ akpan utịn̄ikọ an̄wa ini Editi eke 2005 edidi “Ntak Emi Jesus Okokụtde Ndutụhọ Onyụn̄ Akpade?” Se ntọt enyenede n̄kpọ ndinam ye emi ke Utom Obio Ubọn̄ Nnyịn eke September 2004.

◼ Ẹyeyom kpukpru owo ẹdụk An̄wan̄wa Mbono Esop ke Sunday, March 20, man ẹkop akpan ntọt kaban̄a ndutịm oro ẹdinamde odu ọnọ kpukpru mme asuanetop.

◼ Ọtọn̄ọde ke urua May 23, 2005, nnyịn idikpep Ẹdu ke Ukpeme! ke Ukpepn̄kpọ N̄wed Esop.