Se Ẹkpetịn̄de Ẹban̄a Mme Magazine

Enyọn̄-Ukpeme Mar. 15

“Mme owo ke ofụri ererimbot ẹsitoro ukpepn̄kpọ Jesus. [Kot se owo kiet eketịn̄de ke page 3, ikpehe ekikere 1.] Edi nte afo ekere ke mme ukpepn̄kpọ oro, utọ nte enye oro ẹkụtde ke itie N̄wed Abasi emi, ẹnyene ufọn mfịn? [Kot Matthew 5:21, 22a. Ekem bet ibọrọ.] Magazine emi eneme se Jesus ekekpepde ye nte nnyịn ikemede ndibọ ufọn nto se enye ekekpepde.”

Awake! Mar. 22

“Ediwak owo ẹsima ikpọ obot ke ntak uyai mmọ, edi nte afo ama ọdiọn̄ọ ke mmọ ẹnam ufọn ẹnọ uwem ke isọn̄? [Bet ibọrọ.] Magazine emi eneme ntak emi nnyịn iyomde ikpọ obot ye se itịbede inọ mmọ mfịn. Enye etịn̄ n̄ko nte Andibot edisede aban̄a akpan ẹnọ emi.” Kot Psalm 95:4.

Enyọn̄-Ukpeme Apr. 1

“Nte akanam omokop ẹdọhọde ke ifiọk ntaifiọk ye Bible ẹtuaha ye kiet eken? [Bet ibọrọ.] Magazine emi eneme mbụk oro aban̄ade ntuaha ke ufọt ifiọk ntaifiọk ye ido ukpono. Edi enye n̄ko owụt ke ata ifiọk ntaifiọk odu ke n̄kemuyo ye Bible.” Wụt page 6-7. Ekem kot Ecclesiastes 1:7.

Awake! Apr. 8

“Afo ekere ke mme ete ye eka ẹkeme didie ndin̄wam nditọ mmọ ndifep mfịna ke n̄kpọsọn̄ isua ini uyen? [Bet ibọrọ. Ekem kot Isaiah 48:17, 18.] Magazine emi owụt nte edida item Bible nsịn ke edinam ekemede ndin̄wam mme ete ye eka ndinyene eti nneme ye nditọ mmọ nnyụn̄ nnịm adan̄a oro owụtde eti ibuot nnọ mmọ.”