Mme Ntọt

◼ N̄wed oro ẹnọde ke March 21-April 17: San̄asan̄a ubịnikọt oro ẹsuande Ẹdu ke Ukpeme! April 18-30, ye May: Nọ Enyọn̄-Ukpeme ye Awake! Ke ini ẹfiakde ẹbịne mbon oro ẹkewụtde udọn̄, esịnede mbon oro ẹkedụkde Editi m̀mê mme edinam ukara Abasi eken, edi oro mîbuanake ifịk ifịk ye esop, ẹwụk ntịn̄enyịn ke ndinịm n̄wed Tuak Ibuot nọ Abasi. Ẹkpenyene ndisịn ofụri ukeme nditọn̄ọ ukpepn̄kpọ Bible, akpan akpan edieke edide ndusụk owo ẹma ẹkpekpep n̄wed Ifiọk ye ediye uduot ekpri n̄wed Oyom. June: Nọ n̄wed Kpep N̄kpọ to Akwa Andikpep ndien edieke mme owo ẹdọhọde ke mmimọ inyeneke nditọwọn̄, nọ ediye uduot ekpri n̄wed Oyom. Sịn ukeme nditọn̄ọ ukpepn̄kpọ Bible.

◼ Ke May 28, 2005, ẹyeberi okụre Bethel. Mbọk ẹkûdi ndisan̄a n̄kanade m̀mê ndidi ndimen mme n̄wed ke usenọfiọn̄ emi.

◼ Odot ọfis n̄kọk itieutom enyene n̄wetnnịm n̄kpọ eke idahaemi aban̄ade mme adres ye nọmba urụk ukopikọ kpukpru mme esenyịn oro ẹtiede ibuot ye mme ewetn̄wed. Edieke ukpụhọde odude ke ini kiet ekededi, Kọmiti Utom Esop ekpenyene ndiwet n̄kpọ nyọhọ nnyụn̄ nnọ babru Presiding Overseer/Secretary Change of Address (S-29) ẹsọk ọfis n̄kọk itieutom usọp usọp. Emi esịne mme ukpụhọde ekededi ke nọmba urụk ukopikọ n̄kann̄kụk.

◼ Akpana mme ewetn̄wed esop ẹnyene mme babru Application for Regular Pioneer Service (S-205) ye Application for Auxiliary Pioneer Service (S-205b) oro ẹkemde. Ẹkeme ndida Literature Request Form (S-14) ntobo mmọ emi. Ẹnyene ke nsụhọde n̄kaha se idikemde ke isua kiet. Ẹdụn̄ọde kpukpru n̄wed eben̄e usiakusụn̄ ofụri ini ndikụt nte ke ẹwet n̄kpọ ẹyọhọ mmọ.