Nam Eti Ndutịm Ubon

¹ Ke Ukwọrọikọ Oro ke Obot, Jesus ama eteme mme andikpan̄ utọn̄ nnọ enye ete: “Ẹka iso, ndien, ndibem iso nyom obio ubọn̄ ye edinen ido esie.” (Matt. 6:33) Eti usụn̄ ndinam ndutịm nnọ mme edinam ubon man ẹnịm mme n̄kpọ eke spirit akpa edi ndiwewet ndutịm oro. Da esisịt ini nam ndutịm ubon fo eke urua ke urua, adade ukpọk ufan̄ oro odude ke ndutịm oro ẹnamde ke page 6 ke esịne-esịt emi. Nte utom ubon, ndusụk owo ẹkeme ndiwet nsio nsio edinam nsịbe ndian ke ndutịm oro. Mbon efen ẹkeme ndiwet mmọ nnennen ke ndutịm oro.

² Uwụtn̄kpọ ndutịm oro ẹwụtde ke isọn̄ emi ekeme ndin̄wam fi anam ndutịm fo. Afo oyokụt ke enye esịne mme akpan edinam inan̄ kpọt: (1) edidụk mme mbono esop, (2) utom an̄wautom ubon, (3) ukpepn̄kpọ ubon, ye (4) edineme itie N̄wed Abasi eke usen ke usen. Ndisịn mme n̄kpọ emi ke ndutịm fo ekeme ndin̄wam fi ‘odụn̄ọde ọfiọk se idide akpan n̄kpọ ikan.’ (Phil. 1:10) Ke adianade ye ikpehe inan̄ emi, ẹnọ mme ekikere efen ke page 4 ye 5.

³ Iyomke ndutịm ubon fo esịne mme edinam inan̄ emi kpọt. Edieke mbufo ẹsitịmde idem ẹnọ ndusụk mbono esop nte ubon, wet emi ke ndutịm mbufo. Edieke mbufo ẹsikotde itien̄wed Bible ọtọkiet ke ẹma ẹkeneme itie N̄wed Abasi eke usen ke usen ẹma, mîdịghe edieke ẹsinamde emi ini efen, wet emi n̄ko. Edieke ubon fo esiwakde ndinyene edinam ini nduọkodudu, afo emekeme ndisịn oro n̄ko ke ndutịm fo.

⁴ Nam ndutịm ubon fo odot ye mme idaha ye se kpukpru owo ke ubon ẹyomde. Ke ini ke ini, se m̀mê ndutịm oro ke asan̄a nte ọfọnde, nyụn̄ nam mme ukpụhọde oro oyomde.

[Chart ke page 3]

Uwụtn̄kpọ Ndutịm Ubon

Usenubọk Uwemeyo Mbubịteyo

Sun. Itie N̄wed Usen Mfịn

Utịn̄ikọ An̄wa ye

Ukpepn̄kpọ Enyọn̄-Ukpeme

Mon. Itie N̄wed Usen Mfịn Ukpepn̄kpọ Ubon

Tues. Itie N̄wed Usen Mfịn Ukpepn̄kpọ

N̄wed Esop

Wed. Itie N̄wed Usen Mfịn

Thurs. Itie N̄wed Usen Mfịn Ufọkn̄wed Utom

Ukara Abasi ye

Esoputom

Fri. Itie N̄wed Usen Mfịn

Sat. Itie N̄wed Usen Mfịn

Utom An̄wautom Ubon

(Usen Magazine)

[Chart ke page 6]

Ndutịm Ubon

Sun. Usenubọk Uwemeyo Mbubịteyo

Mon.

Tues.

Wed.

Thurs.

Fri.

Sat.

.................................................................