Obufa Ndutịm Mbono Circuit

Ke mme akpatre usen mbiara akani ererimbot emi, edi akpan n̄kpọ nnyịn nditịm n̄kama edisịnen̄kpọ eke spirit nnyịn nnyụn̄ n̄kpeme se ẹdade ẹdiọn̄ọ nnyịn nte mme Christian. (Edi. 16:15) Ke ntre, odot nte ibuotikọ ndutịm mbono circuit nnyịn eke isua 2006 edide “Ẹmen Obufa Owo Ẹsịne.”—Col. 3:10.

Akpa Usen: Akpa nneme oro ibuotikọ edide, “Mme Usụn̄ Ndiwụt Edu Obufa Owo,” oyowụt nte edikọri mbufa edu adade ufọn ọsọk nnyịn ke kpukpru ikpehe uwem nnyịn. Didie ke nnyịn ikeme ndikọri obufa edu? Ẹyeneme emi ke akpatre utịn̄ikọ iba eke akpa usen, “Tụnọ Idemfo Man Ekeme Nditie N̄kere N̄kpọ nte Ọfọnde” ye “Ukpep Oro Anamde Owo Edi Obufa.”

Ọyọhọ Usen Iba: Ẹyeneme nte obufa edu emi otụkde usụn̄ oro nnyịn idade edeme nnyịn inam n̄kpọ ke ọyọhọ nneme iba emi ibuotikọ edide, “Ẹnyene Edeme Mbon Eti Ibuot.” Ibuotikọ utịn̄ikọ an̄wa emi edide, “Ndi Afo ke Akan Andidiọk?” oyowụt ke oyom idu ke edidemede ibiọn̄ọ mme n̄kari Satan. Akpatre utịn̄ikọ iba ke mbono oro, emi ẹdide, “Kpeme Idem Nana Ntọi ke Ererimbot” ye “Ndinam Owo Emi Nnyịn Idide ke Esịtidem Afiak Edi Obufa ke Usen ke Usen,” ẹyen̄wam nnyịn ndisọn mme edu oro ẹtuahade ye ndinen usụn̄ Abasi nnyụn̄ nsọn̄ọ nda ke utuakibuot nnyịn nnọ Jehovah.

Nnyịn idori enyịn didie ntem ndibọ nsịnudọn̄ ndimen obufa owo nsịne nnyụn̄ n̄ka iso n̄kpeme enye!