Mme Ntọt

◼ Mme n̄wed ẹnọde ke October: Nọ Enyọn̄-Ukpeme ye Awake! Ke ebiet ẹwụtde udọn̄, mbọk nọ ediye uduot ekpri n̄wed Ẹdu ke Ukpeme! November: Nọ n̄wed Kpep N̄kpọ to Akwa Andikpep. Edieke mme owo ẹdọhọde ke mmimọ inyeneke nditọ, nọ tract oro Nte Afo Akpama Ndifiọk N̄kpọ Efen Efen Mban̄a Bible? m̀mê tract efen oro odotde. December: Nọ n̄wed Akakan Owo Oro Akanam Odude Uwem. Se ẹnọde ke ukpụhọ edi N̄wed Mi eke Mme Mbụk Bible ye Afo Emekeme Ndidu Uwem ke Nsinsi ke Paradise ke Isọn̄. January: Ẹkeme ndinọ n̄wed ekededi oro ẹkemịn̄de mbemiso 1991. Se ẹnọde ke ukpụhọ: n̄wed Ifiọk m̀mê ediye uduot ekpri n̄wed Ẹdu ke Ukpeme!

◼ Sia December enyenede utịturua ition, emi edidi ata eti ọfiọn̄ ndinam utom usiakusụn̄ unọ un̄wam.

◼ Esịne-esịt nsiondi Utom Obio Ubọn̄ Nnyịn emi edi “Ndutịm Ufọkn̄wed Utom Ukara Abasi eke 2007” ndien ẹkpenyene ndinịm man ẹda ẹnam n̄kpọ ke ofụri isua 2007.

◼ Ẹyeneme vidio oro No Blood—Medicine Meets the Challenge ke Esoputom ke January. Edieke oyomde, emekeme ndidọhọ esop otobo vidio emi ke DVD m̀mê ke ọkpọ umụm ndise ọnọ fi usọp usọp nte ekekeme.

◼ Ẹnam mme ukpụhọde ke mme nọmba uruk ukopikọ ke n̄kọk itieutom Igieduma ye Lagos. Mbufa nọmba uruk ukopikọ ẹdi emi: 052-202020, 052-202062 (FAX) ye Lagos 01-8990090, 01-8990091, 01-5820604 (ye FAX), 01-5820459 (ye FAX). Edieke ẹkotde ke ini utom, oro edi ke n̄kanika ebe 7 esịm 11:45 usenubọk ye n̄kanika 1 esịm 5 mbubịteyo ke Monday esịm Friday, ndien ke Saturday n̄kanika ebe 7 esịm ebe 11 usenubọk, owo oro esibọrọde ikot ọyọbọrọ. Ke mme ini en̄wen, ẹyekop uyo ọdọhọde ẹfịk nọmba owo oro ẹyomde mîdịghe ẹfịk 0 man owo emi esibọrọde ikot an̄wam mbufo. Nte n̄kpọ editi, mbon oro ẹyomde ndinyene nneme ye n̄kọk itieutom mban̄a mbubehe esop ẹkpenyene ndinam emi ye otu mbiowo n̄kann̄kụk.

◼ Ẹdinọ akpan utịn̄ikọ an̄wa ini Editi eke 2007 ke Sunday, April 15, 2007. Ama ekem ẹyesiak ibuotikọ utịn̄ikọ emi. Mme esop oro ẹnyenede edidi esenyịn circuit m̀mê mbono ke utịturua oro ẹdinọ akpan utịn̄ikọ emi ke utịturua oro etienede. Esop ndomokiet ikpenyeneke ndinọ akpan utịn̄ikọ emi mbemiso April 15.

◼ Mbufa N̄wed Ẹdude:

Watch Tower Publications Index—2004—Ikọmbakara

Nso ke Bible Enen̄ede Ekpep?—Eke Ikpọ Abisi—Ikọmbakara

◼ Obufa Ọkpọ Umụmikọ Odude:

Nso ke Bible Enen̄ede Ekpep? (ọkpọ umụmikọ ition ke efọk kiet)—Ikọmbakara

◼ Mbufa DVD Ẹdude:

Ifiọk Oro Adade Osịm Nsinsi Uwem—Ke DVD—Usem Idiọn̄ọ Mbon America

Bịne Mme Utịtmbuba Oro Ẹnọde Abasi Ubọn̄—Ke DVD—Usem Idiọn̄ọ Mbon America

Nso ke Bible Enen̄ede Ekpep?—Ke DVD—Usem Idiọn̄ọ Mbon America

Ke Ini Owo Oro Afo Amade Akpade—Ke DVD—Usem Idiọn̄ọ Mbon America

Tuak Ibuot nọ Ata Abasi Kierakiet—Ke DVD—Usem Idiọn̄ọ Mbon America