Se Ẹkpetịn̄de Ẹban̄a Mme Magazine

Enyọn̄-Ukpeme May 1

“Nte mme oto-obot afanikọn̄ ẹtịbede ke ubọk ke ubọk mfịn anam ndusụk owo ẹkere m̀mê Abasi akam amia nnyịn ufen. Nso ke afo ekere? [Bet ibọrọ. Ekem kot 1 John 4:8.] Ibuotikọ emi owụt se inamde nnyịn idọhọ ke idịghe Abasi edi ntak ndutụhọ oro mme oto-obot afanikọn̄ ẹdade ẹdi.” Wụt ibuotikọ oro ke page 30.

Awake! May

Kot Matthew 6:10. Ekem bụp ete: “Nte akanam emekere se idide uduak Abasi kaban̄a isọn̄? [Bet ibọrọ.] Bible ọdọhọ ke Abasi ama enyene uduak aban̄a isọn̄ emi toto ke editọn̄ọ, ndien uduak oro ikpụhọkede. Ibuotikọ emi anam oro an̄wan̄a.” Wụt ibuotikọ oro ọtọn̄ọde ke page 10.

Enyọn̄-Ukpeme June 1

“Kiet ke otu mbụk Bible oro ẹtịmde ẹmehe ẹkan edi mbụk Noah ye Ukwọ. Nte emekere ke Ukwọ oro ama etịbe ke akpanikọ? [Bet ibọrọ.] Anaedi akpama ndifiọk nte ke Jesus ama etịn̄ aban̄a Ukwọ oro nte n̄kpọ oro eketịbede. [Kot Luke 17:26, 27.] Magazine emi ọnọ mme ntak emi ẹkpenamde nnyịn inịm ke Ukwọ oro ama etịbe onyụn̄ eneme mme akpan n̄kpọ oro enye ekpepde nnyịn.”

Awake! June

“Imemke utom ndibọk nditọ, akpan akpan ke ini eyen esịmde ini oro enye oyomde ndiwọrọ ndụk akwa owo onyụn̄ okụtde ediwak ukpụhọde ke idem esie. Afo ekere ke mme ete ye eka ẹkpeka m̀mọ̀n̄ ẹkeyom eti item? [Bet ibọrọ. Ekem kot Isaiah 48:17, 18.] Magazine emi ọnọ ekemini ekikere oro akpan̄wamde mme ete ye eka ẹnam n̄kpọ ke ọniọn̄ ye mbufiọk.”