Mme Ntọt
◼ N̄wed ẹnọde ke September: Nso ke Bible Enen̄ede Ekpep? Nen̄ede sịn ukeme nditọn̄ọ ukpepn̄kpọ Bible ke akpa ediwaha. Edieke edide mme enyeneufọk ẹma ẹnyenyene n̄wed emi, wụt nte mmọ ẹkemede ndibọ ufọn nto enye ebe ke ndinam ibio ibio n̄wụt nte ẹkpekpepde enye. October: Enyọn̄-Ukpeme ye Awake! Ke ebiet ẹwụtde udọn̄, nọ tract oro, Nte Afo Akpama Ndifiọk N̄kpọ Efen Efen Mban̄a Bible? nyụn̄ tịn̄ n̄kpọ ban̄a enye ye uduak editọn̄ọ ukpepn̄kpọ Bible. November: Nso ke Bible Enen̄ede Ekpep? Nen̄ede sịn ukeme nditọn̄ọ ukpepn̄kpọ Bible. December: Nọ n̄wed Akakan Owo Oro Akanam Odude Uwem. Edieke enyeneufọk ọdọhọde ke imenyene nditọ, nọ Kpep N̄kpọ to Akwa Andikpep.
◼ Sia November enyenede utịturua ition, emi edidi ata eti ọfiọn̄ ndinam utom usiakusụn̄ unọ un̄wam.
◼ Ẹdinọ akpan utịn̄ikọ an̄wa ini Editi eke 2009 ke urua April 20, 2009. Ama ekem ẹyesiak ibuotikọ utịn̄ikọ emi. Mme esop oro esenyịn circuit edidude ye mmọ m̀mê ẹdinyenede mbono ke utịturua oro ẹdinọde akpan utịn̄ikọ, ẹyesio akpan utịn̄ikọ mmọ ẹnịm ke utịturua oro etienede. Esop ndomokiet ikpenyeneke ndinọ akpan utịn̄ikọ emi mbemiso April 20.
◼ Owo emi esenyịn oro etiede ibuot emekde ekpenyene ndidụn̄ọde ibatokụk esop eke ọfiọn̄ June, July, ye August. Owo ikpenyeneke ndida owo kiet ndụn̄ọde ibatokụk kpukpru ini. Ke ẹma ẹkenam emi, ẹkpenyene nditọt esop ke ini efen emi ẹdikotde ntọt ibatokụk esop.—Se Instructions for Congregation Accounting (S-27).
◼ Mbọk ẹtịm ẹfiọk ẹte ke Kọmiti Utom Esop, idịghe ewetn̄wed esop kpọt, ẹkpesịn ubọk ke leta umen owo n̄wụt oro ẹnọde esop emi asuanetop ọwọrọde aka. Ẹkpenyene ndinam emi edide owo oro edi ebiowo, asan̄autom unamutom, asiakusụn̄, m̀mê asuanetop. Mbemiso mbiowo emi ẹdude ke kọmiti utom ẹsịnde ubọk ke leta oro, mmọ ẹkpenyene ndikụt nte ke mme akpan n̄kpọ oro ẹtienede mi ẹdu: (1) usenọfiọn̄ ẹkewetde leta oro, (2) ofụri enyịn̄ ye adres esop mmọ, ye (3) ofụri enyịn̄ ye adres obufa esop oro asuanetop oro ọwọrọde aka.
◼ Ẹti mbiowo ẹte mmọ ẹnam ndutịm man ẹda Kingdom Hall Maintenance/Safety Checklist (CN-14) ẹsan̄a ẹse Ufọkmbono Obio Ubọn̄ nte mmọ ẹsinamde ke isua ke isua. Man ẹnam emi nte ọfọnde, mbiowo ẹkpenyene nditiene ndausụn̄ oro ẹkenọde ẹsọk kpukpru otu mbiowo ke leta eke August 1, 2007. Ke ẹma ẹkesan̄a ẹse nte ẹtịn̄de mi, ana ẹwet n̄kpọ ẹyọhọ, ẹsịn ubọk, ẹnyụn̄ ẹnọ babru oro ẹsọk n̄kọk itieutom ke September 30, m̀mê mbemiso oro.
◼ Man ẹn̄wam mme asuanetop ye mbon oro ẹnyenede udọn̄ emi ẹdide nnan m̀mê mîkwe usụn̄ ọfọn, emi ẹsikamade n̄kpọ umụm ikọ mme nnan ẹkot n̄wed m̀mê kọmputa oro esikotde ikọ, ẹnam ndutịm man mmọ ẹkeme ndinyene Enyọn̄-Ukpeme oro ẹkotde-kot ẹnọ mme nnan. Mmọ ẹyedu ke nsiondi ofụri owo ye nsiondi eke ukpepn̄kpọ ke Ikọmbakara ye ke nsiondi eke ukpepn̄kpọ ke usem French ye Spanish. Ẹdinọ mmọ ke e-mail ẹsọk mbon oro ẹyomde. Mbon oro ẹyomde Enyọn̄-Ukpeme emi ẹkpenyene ndidọhọ ewetn̄wed esop mmọ ọnọ leta ẹsọk P.M.B. 1090, Benin City 300001, Edo State; ẹwet “Attention: Braille Desk” ke efọkn̄wed. Leta emi ekpenyene ndisịne enyịn̄ ye adres ufọk andiyom n̄kpọ emi, enyịn̄ m̀mê orụk ukwak ilektrọnik esie (oro edi, m̀mê edi n̄kpọ umụm ikọ mme nnan m̀mê kọmputa oro esikotde ikọ), adres e-mail esie, n̄ko m̀mê enye esikot n̄wed mme nnan ke Ikọmbakara, ke French, m̀mê ke Spanish. Edieke enye mînyeneke adres e-mail, nọ adres e-mail owo emi ekemede ndibọ mme n̄kpọ emi nnọ enye.
◼ Mbufa usan umụm ikọ (CD) ye mbufa usan umụm ndise (DVD) emi ẹdude:
Drama Bible ke MP3 (Drama 14 ke usan umụm ikọ kiet)—Ikọmbakara
Pursue Goals That Honor God (Ke DVD)—Ikọmbakara
To the Ends of the Earth ye United by Divine Teaching (Ke DVD)—French, German, Ikọmbakara, Italian, Japanese, Portuguese, Spanish
Watchtower Library (Nsiondi eke 2007 ke usan umụm ntọt kọmputa)—Ikọmbakara
Young People Ask—How Can I Make Real Friends? (Ke DVD)—French, German, Ikọmbakara, Italian, Japanese, Portuguese, Russian, Spanish