Se Ẹkpetịn̄de Ẹban̄a Mme Magazine

Enyọn̄-Ukpeme February 1

“Ata ediwak ke otu nnyịn imenyene ido ukpono. Ndi emekere ke usụn̄ oro imekde ndikpono Abasi ebehe enye? [Bet ibọrọ. Ekem kot Matthew 15:9.] Ibuotikọ emi eneme n̄kpọ inan̄ oro Jesus ọkọdọhọde ke ẹdida ẹfiọk utuakibuot akpanikọ.” Wụt ibuotikọ oro ọtọn̄ọde ke page 16.

Awake! February

“Ke adan̄aemi ndusụk owo ẹnịmde ke Andibot odu, mbon eken ẹkere ke ifiọk ntaifiọk ikpepke iban̄a Andibot, ke inyụn̄ iwụtke eti ibuot ndinịm ke Enye odu. Afo ekere didie? [Bet ibọrọ.] Bible ọdọhọ ke uyarade oro owụtde ke Andibot odu anam owo enyene ata mbuọtidem. [Kot Hebrew 11:1.] Ibuotikọ emi eneme ndusụk uyarade oro.” Wụt ibuotikọ emi ọtọn̄ọde ke page 22.

Enyọn̄-Ukpeme March 1

“Ndi amada Bible nte Ikọ Abasi, mîdịghe ndi ekere ke enye edi sụk eti n̄wed? [Bet ibọrọ.] Kop se Bible ke idemesie etịn̄de mi. [Kot 2 Timothy 3:16, 17.] Magazine emi eneme nte ikemede ndinyene nnennen ifiọk mban̄a n̄kpọ emi ye ntak edide akpan n̄kpọ ndinam ntre.”

Awake! March

“Etie nte n̄kpọ-obot esiye fi ukem nte esiyede ata ediwak owo. Ndi emenyịme ke mmọ n̄ko ẹsinyene ndyọ ndyọ ndudiọn̄? [Bet ibọrọ. Ekem kot Psalm 104:24.] Ẹwụt ndiye ndudiọn̄ oro ẹdude ke mme n̄kpọ-obot ke magazine emi, ẹnyụn̄ ẹneme se mmọ ẹkpepde nnyịn.”