Se Ẹkpetịn̄de Ẹban̄a Mme Magazine

Enyọn̄-Ukpeme March 1

Kot Exodus 20:15. Ekem dọhọ ete: “Ke adan̄aemi ediwak owo ẹdomode ndinam ewụhọ emi, ndusụk owo ẹkere ke uyịpinọ ye mme orụk unana edinam akpanikọ eken ikwan̄ake ke mme idaha oro owo mîkemeke ndinyan̄a. Afo ekere didie? [Bet ibọrọ.] Magazine emi eneme ufọn edinam akpanikọ kpukpru ini.” Wụt ibuotikọ emi ọtọn̄ọde ke page 12.

Awake! March

“Ediwak owo ẹkpono Bible, edi mmọ ẹkere ke ediwak n̄kpọ oro ẹdude ke esịt inen̄ekede inyene ufọn ke eyo nnyịn. Afo ekere didie? [Bet ibọrọ. Ekem kot Rome 15:4.] Magazine emi anam an̄wan̄a ntak emi idem ndusụk n̄kani ikpehe ke Bible ẹsụk ẹnyenede ufọn.” Wụt ibuotikọ emi ọtọn̄ọde ke page 28.

Enyọn̄-Ukpeme April 1

“Ke ini ẹsidọhọde ẹsiak kiet ke otu owo emi ọwọrọde etop akan ke mbụk, ediwak owo ẹsisiak Jesus. Ndi afo ada enye ntre? [Bet ibọrọ.] Tịm fiọk ntak emi mûkpayakke nsio nsio n̄kpọ oro mme owo ẹtịn̄de ẹban̄a enye akpan fi ndikpep se idide akpanikọ. [Kot John 17:3.] San̄asan̄a nsiondi Enyọn̄-Ukpeme emi owụt se Bible enen̄erede etịn̄ aban̄a Jesus ye mme ukpepn̄kpọ esie.”

Awake! April

“Etie nte nnyịn inyeneke ini oro ekemde ndinam kpukpru se ikpamade ndinam. Nte afo ukereke ntre? [Bet ibọrọ.] Ediwak owo ẹkụt ke item emi ọfọn. [Kot Philippi 1:10.] Magazine emi ọnọ nti ekikere ke nte ẹkpedade ini ẹnam n̄kpọ nte ọfọnde.”