Se Ẹkpetịn̄de Ẹban̄a Mme Magazine Nnyịn
Enyọn̄-Ukpeme August 1
“Afo ekere ke mme owo ẹyom nso man ẹkop inemesịt? [Bet ibọrọ. Ekem kot Matthew 5:3.] Emi edi kiet ke otu n̄kpọ oro Jesus eketịn̄de aban̄a inemesịt. Ibuotikọ emi eneme se nnyịn ikpepde ito Jesus iban̄a nte ikpenyenede ata inemesịt.” Wụt ibuotikọ emi ọtọn̄ọde ke page 16.
Awake! August
“Ediwak ndise vidio mfịn ẹban̄a mme demon, mbiaidiọn̄ ye mme ifọt. Ndi emekere ke mme demon ẹnen̄ede ẹdu? [Bet ibọrọ. Ekem kot 1 Corinth 10:20.] Ibuotikọ emi owụt se Bible etịn̄de aban̄a mme demon ye nte ikemede ndikpeme idem mbiọn̄ọ mmọ.” Wụt ibuotikọ emi ọtọn̄ọde ke page 20.
Enyọn̄-Ukpeme September 1
Siak mbụk n̄kpọntịbe kiet oro ebehede mme owo ke n̄kann̄kụk. Ekem dọhọ ete: “Ndi akanam emekere m̀mê nso isinam mme owo ẹnam utọ ndiọi n̄kpọ ntre? [Bet ibọrọ.] Bible ọnọ nnyịn ntak ndinyene idotenyịn. [Kot 2 Peter 3:13.] Magazine emi owụt se Bible etịn̄de aban̄a mme ntak idiọkn̄kpọ ye nte Abasi editrede ndiọi edinam ke mîbịghike.”
Awake! September
“Ndi afo emekere ke mme urụk ukopikọ oro ẹkamade-kama ẹsan̄a, ndida Intanet nnọ leta, mme itie uneme nneme ke Intanet ye mbufa usụn̄ oro ẹdade ẹnam mme owo ẹnyene nneme ye kiet eken ẹsosion̄o owo ndobo mîdịghe ẹkam ẹnanam owo okop ndobo? [Bet ibọrọ.] Kop ekikere kiet emi ẹnọde mi ndin̄wam nnyịn iyọ ndobo. [Kot Utom 20:35.] Magazine emi ọnọ nti item efen efen oro ẹtode Bible.”