Se Ẹkenamde ke An̄wautom

Mme asuanetop ẹma ẹto esop kiet ke Lagos ẹkekwọrọ ikọ ke Ala ye Idowa, kpa efakutom oro owo mîbahakede inọ owo ke Ogun State. Mmọ ẹma ẹnen̄ede ẹkụt unen. Ke uwụtn̄kpọ, mma kiet emi mmọ ẹkesobode ke efakutom oro ikekemeke ndisan̄a ke ntak emi ọdọn̄ọde akpauben̄. Ke ini ẹkekotde un̄wọn̄ọ Bible emi ọdọhọde ke mbụn̄ọ ẹyefiak ẹsan̄a, enye ama ọdọhọ ete: ‘Akananam owo idọn̄ke mi esịt ntem tọn̄ọ nte n̄kenyene mfịna emi. Mmenịm un̄wọn̄ọ emi ke akpanikọ. Emi mbufo mînyeneke itie ukpepn̄kpọ mi, anie edisikpep mi n̄kpọ mbufo ẹma ẹnyọn̄ọ? Anie edisidọn̄ mi esịt? Mbọk ẹkûnyọn̄ọ, mbọk ẹkûkpọn̄ mi.’ Ndi emekeme ndinam ndutịm man aka ebịne utọ mbon emi?