Vidio The Bible—Accurate History, Reliable Prophecy
Nso uyarade iwụt ke mbụk Bible enen? Mme ntịn̄nnịm ikọ Bible ewe, oro ẹsude ẹnam ifiọk ke mme ntịn̄nnịm ikọ eken ke Bible ẹyesu? Ẹbọrọ mme mbụme emi ke vidio The Bible—Accurate History, Reliable Prophecy, kpa ọyọhọ vidio ita ke DVD oro The Bible—A Book of Fact and Prophecy. Ke ama ekese vidio emi ama, ndi emekeme ndibọrọ mme mbụme oro ẹtienede mi?
(1) Anie ọkọnọ odudu ẹda ẹwet mme n̄kpọ oro ẹdude ke Bible, emi ẹkemede ndiberi edem? (Dan. 2:28) (2) Didie ke Bible etịn̄ nnennen nnennen nte n̄kpọ eketiede ke Egypt eset, ndien didie ke ntịn̄nnịm ikọ ke Isaiah 19:3, 4 okosu? (3) Didie ke se ẹdọkde ẹsion̄o ke isọn̄ ọsọn̄ọ se Bible etịn̄de aban̄a mbon Assyria, ndidem mmọ, ye nte ẹkesobode Assyria? (Nah. 3:1, 7, 13) (4) Mme ẹwe ntịn̄nnịm ikọ oro ẹban̄ade Babylon ẹkesu? (Jer. 20:4; 50:38; 51:30) (5) Ewe ntịn̄nnịm ikọ oro aban̄ade Media ye Persia okosu? (Isa. 44:28) (6) Didie ke Daniel 7:6 ye 8:5, 8 ẹkesu Greece ke idem? (7) Didie ke Daniel 7:7 okosu ke ini Rome akadahade ada nte ukara ererimbot? (8) Mme Caesar ewe ke Bible etịn̄ aban̄a? (9) Nso iketịbe inọ mme Christian ke eyo ukara Nero? (10) Didie ke mme ntịn̄nnịm ikọ oro ẹdude ke Ediyarade 13:11 ye 17:10 ẹkesu? (11) Anie edi ọyọhọ edidem itiaita? (12) Mme n̄kpọntịbe ewe ke vidio emi ẹwụt ke se Ecclesiastes 8:9 etịn̄de edi akpanikọ? (13) Ewe ntịn̄nnịm ikọ ke afo enen̄ede etie ebet ndikụt osude? (14) Didie ke afo ekeme ndida vidio emi nnam mbon en̄wen ẹnịm ke Bible edi N̄wed Abasi?