Mme Ntọt

◼ N̄wed ẹnọde ke June: Nso ke Bible Enen̄ede Ekpep? Domo nditọn̄ọ ukpepn̄kpọ Bible ke akpa ediwaha. Edieke edide enyeneufọk enyenyene n̄wed emi, edi inyịmeke ẹnịm ukpepn̄kpọ Bible ye imọ, mme asuanetop ẹkeme ndinọ n̄kani n̄wed en̄wen ekededi emi esop ẹnyenede. Mîdịghe, nọ Tuak Ibuot nọ Ata Abasi Kierakiet. July ye August: Ẹkeme ndinọ ekededi ke otu ndiye uduot ekpri n̄wed emi ẹnyenede page 32, emi ẹmade ke efakutom mbufo, oro ẹtienede mi: Enyịn̄ Abasi Oro Edibịghide ke Nsinsi, Ke Ini Owo Oro Afo Amade Akpade, Nso Idi Uduak Uwem—Didie ke Afo Ekeme Ndikụt Enye?, Nso Itịbe inọ Nnyịn ke Ini Nnyịn Ikpade?, Nte Abasi Enen̄ede Ekere Aban̄a Nnyịn?, Spirit Mme Akpan̄kpa—Nte Mmọ Ẹkeme Ndin̄wam Fi m̀mê Ndinọ Fi Unan? Nte Mmọ Ẹnen̄ede Ẹdu?, Usụn̄ Oro Adade Esịm Nsinsi Uwem—Nte Afo Omokụt Enye? Ẹmekeme ndinọ n̄ko obufa ediye uduot ekpri n̄wed Real Faith—Your Key to a Happy Life (emi ẹnamde akpan akpan ẹnọ mme Muslim). September: Nso ke Bible Enen̄ede Ekpep? Domo nditọn̄ọ ukpepn̄kpọ Bible ke akpa ediwaha. Edieke edide enyeneufọk enyenyene n̄wed emi, edi inyịmeke ẹnịm ukpepn̄kpọ Bible ye imọ, mme asuanetop ẹkeme ndinọ n̄kani magazine m̀mê ediye uduot ekpri n̄wed ekededi emi edemerede enye udọn̄.