Mme Ntọt

◼ N̄wed ẹnọde ke February: Ukpọhọde Inemesịt Ubon m̀mê San̄a Kpere Jehovah. March: Nso ke Bible Enen̄ede Ekpep? Domo nditọn̄ọ ukpepn̄kpọ Bible ke akpa ediwaha. April ye May: Enyọn̄-Ukpeme ye Awake! Edieke owo owụtde udọn̄, nọ tract Ndi Akpama Ndifiọk Akpanikọ?, nyụn̄ domo nditọn̄ọ ukpepn̄kpọ Bible. Ke ini afiakde ebịne mbon oro ẹkewụtde udọn̄, ẹsịnede mbon oro ẹkedụkde Editi m̀mê mme edinam ukara Abasi eken, edi oro mîbuanake ifịk ifịk ye esop, domo nditọn̄ọ ukpepn̄kpọ Bible ke n̄wed Bible Ekpep.

◼ Ke ẹma ẹkenịm Editi ẹma, ibuotikọ akpan utịn̄ikọ an̄wa oro ẹdinọde ke utịturua oro edi, “Ndi Utịt Ebịghi Akan Nte Afo Ekekerede?”

◼ Ini ekededi oro anamde ndutịm ndika isan̄ ndien emi abuana edika idụt oro mîsịneke ke ibatutom isua utom eke ndondo emi m̀mê oro adres esie mîdụhe ke akpatre page Yearbook eke ndondo emi, mbọk nyene nneme ye n̄kọk itieutom mbufo man ọfiọk se anade ekpeme idem ye san̄asan̄a ndausụn̄ emi anade etiene. Ekeme ndidi ẹkpan nnyịn ndinam ndusụk utom Obio Ubọn̄ ke idụt oro. (Matt. 10:16) Ekeme ndidi idiwụtke ifiọk ke ndusụk idụt isenowo ndinyene ebuana ye Mme Ntiense m̀mê mme esop. Ẹkeme ndinọ fi mme ndausụn̄ efen oro ẹban̄ade unọ ikọ ntiense ido nneme m̀mê nte ẹkpekamade mme n̄wed nnyịn. Nditiene ndausụn̄ oro ẹnọde fi idiyakke mme mfịna oro ẹkemede ndifep ẹsịm fi m̀mê ẹfịna utom Obio Ubọn̄ ke idụt oro afo akade.—1 Cor. 14:33, 40.