Mme Utịbe Utịbe N̄kpọ-Obot Ẹwụt Ubọn̄ Abasi
Ediwak owo ẹsima ndise mme n̄kpọ-obot. Edi ibat ibat mmọ kpọt ẹfiọk ke mme n̄kpọ-obot emi ẹnam ifiọk ekese iban̄a ekikere Akwa Andibot nnyịn. (Rome 1:20) Anyan ini ko, David ama ekpep n̄kpọ aban̄a Jehovah ke Ikọ Esie oro ẹkedade odudu spirit ẹwet. Edi mme n̄kpọ-obot ẹma ẹnam enye ‘okụt’ Abasi onyụn̄ asan̄a ekpere Enye. (Ps. 8:3, 4) Ediye uduot ekpri n̄wed emi Nte Abasi Enen̄ede Ekere Aban̄a Nnyịn? ayan̄wam nnyịn, nditọ nnyịn, ye nditọ ukpepn̄kpọ Bible nnyịn itịm idụn̄ọde ndusụk n̄kpọ oro Jehovah obotde inyụn̄ ikụt mme edu Akwa Andibot nnyịn, man itetịm isan̄a ikpere enye.
“Ẹtịm Ẹse” Mme N̄kpọ Oro Jehovah Obotde: Jesus ama esịn udọn̄ ọnọ nnyịn ete ‘itịm ise mme inuen enyọn̄’ inyụn̄ ‘ikpep n̄kpọ ito ekpon̄idịm ke ikọt.’ (Matt. 6:26, 28) Ndinam ntre ekeme ndisọn̄ọ mbuọtidem nnyịn, anam itetịm iberi edem ke Andibot, inyụn̄ iwụt esịtekọm iban̄a ọniọn̄, odudu, ye ima Jehovah. Utu ke ndiyak mme n̄kpọ ererimbot emi ẹwọn̄ọde ntịn̄enyịn fo, da ini se mme utịbe utịbe n̄kpọ-obot Jehovah, nyụn̄ tie kere se mmọ ẹnamde nnyịn ifiọk iban̄a Abasi nnyịn.—Ps. 19:1.