Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke April

“Ediwak mme Christian ẹsina baptism. Ndi emekere ke baptism edi akpan n̄kpọ? [Bet ibọrọ.] Ibuotikọ emi eneme ndusụk akpan n̄kpọ ẹban̄ade baptism.” Yak Enyọn̄-Ukpeme eke April 1 nọ enyeneufọk, nyụn̄ neme se idude ke idak akpa ekpri ibuotikọ ke page 16 ye enye, nyụn̄ kot ke nsụhọde n̄kaha itie N̄wed Abasi kiet. Nọ mme magazine nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme April 1

“Mme owo ẹnyene nsio nsio ekikere ẹban̄a Jesus. Ndusụk ẹkere ke enye ekedi Messiah oro ẹken̄wọn̄ọde. Mbon eken ẹkere ke enye okonyụn̄ etie nte eti owo ekededi. Mbon en̄wen ẹnịm ke akanam utọ owo oro idụhe. Afo ekere didie? [Bet ibọrọ.] Bible owụt ke edi akpan n̄kpọ ndifiọk akpanikọ aban̄ade Jesus. [Kot John 17:3.] Magazine emi owụt nte Bible ọbọrọde ndusụk mbụme oro ẹsiwakde ndibụp mban̄a Jesus.”

Awake! April

“Nnyịn isan̄a ise mme ubon mfịn. Ndi afo emenyịme ke mme ubon ẹsobo ediwak mfịna mfịn? [Bet ibọrọ.] Se ebiet emi ediwak ubon ẹkụtde eti item mi. [Kot Psalm 119:105.] Magazine emi eneme nte mbuaha ubon ẹdade mme edumbet Bible ẹse ẹban̄a mme mfịna mmọ uforo uforo.”