Ndụn̄ọde Ufọkn̄wed Utom Ukara Abasi

Ẹdineme mme mbụme oro ẹtienede mi ke Ufọkn̄wed Utom Ukara Abasi ke urua ọtọn̄ọde October 29, 2012. Esịn usenọfiọn̄ oro ẹdinemede akpan n̄kpọ kiet kiet man ẹkeme ndinam ndụn̄ọde ke ini ẹtịmde idem ẹnọ ufọkn̄wed kpukpru urua.

1. Nso ke itieuwa oro Ezekiel okokụtde ke n̄kukụt ada aban̄a? (Ezek. 43:13-20) [Sept. 10, w07 8/1 p. 10 ikp. eki. 4]

2. Nso ke akpa mmọn̄ oro Ezekiel okokụtde ke n̄kukụt ada aban̄a? (Ezek. 47:1-5) [Sept. 17, w07 8/1 p. 11 ikp. eki. 2]

3. Nso ke ikọ oro “aduak ke esịt esie” ayarade aban̄a item eke spirit oro Daniel ọkọbọde ke ini uyen? (Dan. 1:8) [Sept. 24, dp p. 33 ikp. eki. 7-9; p. 36 ikp. eki. 16]

4. Akamba eto oro Nebuchadnezzar akadabade ke ndap akada aban̄a nso? (Dan. 4:10, 11, 20-22) [Oct. 1, w07 9/1 p. 18 ikp. eki. 5]

5. Nso ke Daniel 9:17-19 ekpep nnyịn aban̄a akam? [Oct. 8, w07 9/1 p. 20 ikp. eki. 5-6]

6. Ewe ediomi ke ‘ẹkesọn̄ọ ẹnịm ẹnọ ediwak owo’ tutu esịm utịt ọyọhọ urua 70, emi ẹkebatde usen kiet kiet nte isua, m̀mê isua 36 E.N.? (Dan. 9:27) [Oct. 8, w07 9/1 p. 20 ikp. eki. 4]

7. Nso ke angel ndidọhọ Daniel ke “ọbọn̄ obio ukara Persia” ama ọbiọn̄ọ imọ owụt? (Dan. 10:13) [Oct. 15, w11 9/1 p. 8 ikp. eki. 2-3]

8. Ewe ntịn̄nnịm ikọ Bible oro aban̄ade Messiah okosu nte ekemde ye Daniel 11:20? [Oct. 15, dp p. 232-233 ikp. eki. 5-6]

9. Nte Hosea 4:11 owụtde, nso idi kiet ke otu mfịna edin̄wọn̄ mmịn mbe ubọk? [Oct. 22, w10 1/1 p. 4-5]

10. Nso akpan n̄kpọ ke ikpekpep ito Hosea 6:6? [Oct. 22, w07 9/15 p. 16 ikp. eki. 8; w05 11/15 p. 24 ikp. eki. 11-12]