Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke January

“Nnyịn ikpama ndibụp fi se idide ekikere fo. Afo ọkpọdọhọ ke Abasi ekere didie? [Bet ibọrọ.] Kop se idikotde mi.” Yak Enyọn̄-Ukpeme eke January 1 nọ enyeneufọk, wụt enye ibuotikọ oro odude ke akpatre ikpaedem, neme se idude ke idak akpa ekpri ibuotikọ oro ye enye, nyụn̄ kot ke nsụhọde n̄kaha itie N̄wed Abasi kiet. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme January 1

“Ediwak owo ẹsiwak nditịn̄ mban̄a utịt ererimbot. Ndi afo ekere ke utịt ererimbot edi n̄kpọ oro nnyịn ikpokopde ndịk iban̄a? [Bet ibọrọ.] Nte itien̄wed emi owụtde, mme owo ẹyebọhọ. [Kot 1 John 2:17.] Magazine emi owụt ibọrọ oro Bible ọnọde ke mbụme inan̄ oro ẹsiwakde ndibụp mban̄a utịt ererimbot.”

Awake! January–February

“Nnyịn isan̄a mfịn ise mme ubon man itịn̄ ndusụk n̄kpọ oro ẹdin̄wamde mmọ. Ndi emekere ke ọfọn mme ubon ndinam ikọ Jesus emi? [Kot Utom 20:35b. Ekem bet ibọrọ.] Ndikpep nditọwọn̄ ẹtre ndibụk ibụk ekeme ndisọn̄ etieti ke ererimbot emi ediwak owo ẹkerede ẹban̄a idem mmọ kpọt. Ibuotikọ emi etịn̄ ndusụk nti usụn̄ oro mme ete ye eka ẹkemede ndikpep nditọ mmọ ndikere mban̄a mbon en̄wen.”