Ndi Emekeme Ndidọhọ Mmọ Ẹsan̄a ye Afo?

Ke ediwak esop, mme asuanetop ẹdu emi uyịre uyịre udọn̄ọ m̀mê usọn̄ mîyakke mmọ ẹnam ẹkese ke an̄wautom. (2 Cor. 4:16) Ndi emekeme ndidọhọ mmọ ẹsan̄a ye afo ẹkenịm ukpepn̄kpọ Bible? Edieke asuanetop emi mîkemeke ndiwọrọ ke ufọk, emekeme ndinịm ukpepn̄kpọ emi ke ufọk esie. Ke ini ke ini, ndi emekeme ndinam ndutịm man ada asuanetop emi idem mînen̄ekede isọn̄ aka utom eke ufọk ke ufọk ke esisịt ini mîdịghe emen enye aka mfiakn̄ka kiet m̀mê iba? Ediwak mme asuanetop oro ẹsọn̄de ẹnen̄ede ẹnyene ifiọk ukwọrọikọ. Ntre idịghe mmọ kpọt ẹdibọ ufọn ito ndutịm oro afo anamde ndisan̄a ye mmọ. Afo ọyọbọ ufọn n̄ko. (Rome 1:12) Jehovah oyonyụn̄ ọdiọn̄ ukeme oro afo esịnde ndiwụt ima nnọ utọ nditọete emi.—N̄ke 19:17; 1 John 3:17, 18.