Mme Usụn̄ Unyene Nneme

Anie Ekeme Ndibọrọ Mbụme Emi Afịnade Ata Ediwak Owo?

Kọm enyeneufọk, nyụn̄ nam enye okụt ibuotikọ tract oro, ekem dọhọ ete: “Nnyịn itiene isuan akpan etop emi ẹsuande ke ofụri ererimbot. Bọ okwo mi.”

Edieke enịmde tract oro ke ufọk oro owo mîdụhe, nịm enye ke ebiet emi mbon oro ẹsan̄ade ẹbe mîdikemeke ndikụt. Kpan̄ enye ediye ediye edieke anade akpan̄.

Edieke enyeneufọk oyomde aka iso enyene nneme ye imọ, emekeme ndibụp enye mme mbụme oro ẹbụpde ke ntọn̄ọ ntọn̄ọ tract emi. Kụbọde tract oro nyụn̄ wụt enye se Psalm 119:144, 160 ọdọhọde. Dọhọ enye ke tract oro etịn̄ n̄kpọ aban̄a ikpehe Intanet oro edin̄wamde enye okụt ibọrọ mbụme esie ke Bible. Emekeme ndiwụt enye vidio oro, Ntak Emi Ekpekpepde Bible? Mbemiso ọnyọn̄de, wụt enye mbụme ita oro ẹdude ke edem tract oro nyụn̄ bụp enye m̀mê ewe ke otu mbụme oro enen̄ede afịna enye. Dọhọ ke iyafiak idi man ikpada jw.org iwụt enye nte ẹkemede ndida Bible mbọrọ mbụme oro. Ke ini afiakde aka, neme ibọrọ mbụme oro ke ndika ebiet oro ẹwetde SE BIBLE EKPEPDE > MME MBỤME BIBLE ORO ẸBỌRỌDE.

Edieke asuande n̄wedikot akamba mbono, nọ owo oro n̄wedikot ye tract oro nyụn̄ dọhọ ete, “Imokot fi n̄ko ite edidụk edinam mfọn emi idinyenede ke mîbịghike.”

Ẹnyọn̄-Ukpeme August 1

Ke utịturua, ke ini ọnọde Ẹnyọn̄-Ukpeme ye Ẹdemede!, dọhọ ete: “Iyama ndinọ fi mbufa magazine emi. Ẹnyọn̄-Ukpeme emi ọbọrọ mbụme emi, Ndi Abasi ekere aban̄a fi?”

Ẹdemede! July–August

Tịn̄ se itienede emi ke ini ọnọde Ẹdemede! ke mme utịturua: “Ikpama n̄ko ndinọ fi mbufa magazine nnyịn. Ẹdemede! emi eneme se mme ubon ẹkpenamde mbak ẹdibiat okụk ẹkaha.”