Ndifori Usọ Nnyịn ke An̄wautom—Bụp Mbụme Emi Edibọrọde Ama Afiak Aka

Ntak Emi Edide Akpan N̄kpọ: Ke ini ikụtde owo emi amade ukwọrọikọ nnyịn, esidọn̄ nnyịn ndifiak n̄ka n̄keneme ikọ Abasi ye enye man akpanikọ odụk enye esịt. (1 Cor. 3:6) Emi esiyom ete nnyịn idiọn̄ọ ini emi ikpafiakde ika mbemiso nnyịn inyọn̄de. Ke adianade do, esifọn ibụp mbụme emi nnyịn idibọrọde ke ima ifiak ika. Utọ mbụme emi ayanam enyeneufọk etetie ebet ini emi ididide, ndien edieke ẹbọrọde mbụme emi ke n̄wed oro ikọnọde enye, emi ayanam enye okot n̄wed oro. Ndinam se inemede emi n̄ko ayanam emem utom nnyịn ndifiak n̄ka sia edide ima imemek se idinemede, ndien emi ayanam enyeneufọk ọdiọn̄ọ se idinemede iban̄a. Ima ifiak ika, nnyịn iyetịn̄ ke ifiak idi ndibọrọ mbụme oro ikobụpde ke akpa ini oro ikedide, ekem ibọrọ mbụme oro ndien.