Ndifori Usọ Nnyịn ke An̄wautom—Wụt ke Imama Mme Owo

Ntak Emi Edide Akpan N̄kpọ: Jesus ama esima kpukpru owo. Ke uwụtn̄kpọ, ke ini Jesus ọkọfiọkde ke bụt anam inan kiet emi enye okoyomde ndinam okop n̄kpọ, enye ama emen inan oro ọkpọn̄ otuowo. (Mark 7:31-35) Enye ikan̄wan̄ake kpukpru n̄kpọ ifụk mbet esie inikiet, sia enye ama ama mmọ onyụn̄ ọfiọk ke mmọ idikemeke ndimum kpukpru. (John 16:12) Idem ke Jesus ama ọkọnyọn̄ heaven, enye okosụk amama mme owo. (2 Tim. 4:17) Oyom ikpebe enye sia idi mme anditiene enye. (1 Pet. 2:21; 1 John 3:16, 18) Ukwọrọikọ nnyịn oyodụk mme owo esịt edieke iwụtde ke imama mmọ, ke imọfiọk se mmọ ẹmade ye se ifịnade mmọ. Mme owo ẹyema ndikop ukwọrọikọ nnyịn edieke mmọ ẹkụtde ke idịghe ukwọrọikọ ye unọ n̄wed kpọt akada nnyịn edi, edi ẹkụt ke imenen̄ede ima mmimọ.