“Nsikwe Enye ke Ufọk!”

Ndi akananam emetịn̄ utọ ikọ oro aban̄a owo emi okoyomde ndikpep Bible? Kpa ye oro esifiakde aka man ọkọduọk mmọn̄ ke n̄kpasịp emi ọkọtọde, enye isidụhe. (1 Cor. 3:6) Ndusụk mme asuanetop ẹsinọ leta ẹsọk owo emi mmọ mîkemeke ndikụt ke ufọk, mîdịghe ẹwet ekpri n̄kpọ ẹdian ke enyịnusụn̄ ufọk esie. Ndusụk mme asuanetop oro ẹfiọkde ke ekeme ndidi mmịmọ idikwe owo oro ima ifiak ika, ẹsibụp enye ete, “Ndi emesinọ owo etop ke fon?” man ẹkpebọ enye nọmba fon esie. Imekeme ndiwet mfiakn̄ka ke ini iwetde owo oro leta, ikotde enye m̀mê inọde etop ke fon m̀mê ke e-mail, mîdịghe ke ini iwetde ekpri n̄kpọ idian ke enyinusụn̄ esie. Imekeme ndinam enye aka iso ama ikọ Abasi, idem ọkpọkọm nnyịn isikwe enye ke ufọk.