Se Idin̄wamde Nnyịn Idi Nti Mme Ọkwọrọikọ —N̄wam Nditọ Ukpepn̄kpọ Bible Fo Ẹma Ndisikpep N̄kpọ

Ntak Emi Edide Akpan N̄kpọ: Man Ikọ Abasi enen̄ede an̄wan̄a nditọ ukpepn̄kpọ Bible fo, mmọ ẹnyụn̄ ẹsọn̄ọ ẹda ẹnam n̄kpọ Jehovah, mmọ ẹkpenyene ndinen̄ede n̄kpep Ikọ Abasi. (Heb. 5:12–6:1) Oyom ẹda ini ẹkpep Ikọ Abasi. Emi esịne ndikpep mbufa n̄kpọ ndian ye se ima ikọfọfiọk, nnyụn̄ mfiọk ke ọfọn ndida mme n̄kpọ emi ndu uwem. (N̄ke 2:1-6) Edieke nditọ ukpepn̄kpọ ẹsiwakde ndinam ndụn̄ọde ke idemmọ, mmọ ẹyekeme ndida Bible ye mme n̄wed nnyịn mbọrọ mme mbụme oro ẹbụpde mmọ. Edieke idomo ekededi esịmde mmọ, mmọ ẹyekeme ndibe idomo oro sia mmọ ẹma ẹnen̄ede ẹkpep Ikọ Abasi ẹnyụn̄ ẹnam se mmọ ẹkpepde.—Luke 6:47, 48.