Se Idin̄wamde Nnyịn Idi Nti Mme Ọkwọrọikọ—Nọ Mme Owo N̄wed Bible Ekpep
Ntak Emi Edide Akpan N̄kpọ: N̄wed Bible Ekpep edi akpan n̄wed oro isidade ikpep mme owo n̄kpọ. Edi mbemiso idade enye ikpep mme owo n̄kpọ, ana ibem iso inọ mmọ n̄wed emi. Ntre, ana kpukpru nnyịn inen̄ede idiọn̄ọ nsio nsio usụn̄ oro ikpọnọde mme owo n̄wed Bible Ekpep ke ini ikwọrọde ikọ. (N̄ke 22:29) Imekeme ndinọ n̄wed emi ke nsio nsio usụn̄, ndien mme asuanetop ẹkpenyene ndimek usụn̄ emi mmọ ẹmade.
Nam Emi Ọfiọn̄ Emi:
Ke ini utuakibuot ubon, ẹda ndusụk ini ẹnam ẹwụt nte ẹkpenọde owo n̄wed emi.
Tịn̄ nọ owo emi afo asan̄ade kiet ọkwọrọ ikọ nte oyomde ndinọ mme owo n̄wed emi. (N̄ke 27:17) Edieke se esitịn̄de mîsiyakke mme owo ẹbọ n̄wed emi, kpụhọ se esitịn̄de.