Kpep Mme Owo Akpanikọ

Ọtọn̄ọde ke September, iyesisịn obufa ibuotikọ emi ẹkotde “Kpep Mme Owo Akpanikọ” ke N̄wed Mbono Esop Uwem ye Utom Nnyịn. Ibuotikọ emi ayan̄wam nnyịn ifiọk nte ikemede ndida mbụme ye itie N̄wed Abasi n̄kpep owo akpanikọ.

Edieke owo oro amade se inemede ye enye, imekeme ndinọ enye n̄wed mîdịghe iwụt enye vidio emi odude ke jw.org/efi, inyụn̄ itịn̄ se idinemede ye enye isan̄ en̄wen. Ikpanaha iyak ediwak usen ẹbe mbemiso ifiakde ika. Idida se idude ke “Kpep Mme Owo Akpanikọ” ye se ẹnọde nditọ ufọkn̄wed ito “Se Ikpepde,” emi odude ke ibuot kiet kiet ke n̄wed Nso ke Bible Ekpep Nnyịn? “Se Ikpepde” enyene mme mbụme ye mme itie Bible en̄wen emi ẹdin̄wamde nnyịn ke ini inamde mfiakn̄ka m̀mê idade Bible ikpọn̄ ikpep owo n̄kpọ.

Usụn̄ kiet kpọt ada esịm nsinsi uwem. (Mt 7:13, 14) Sia isinemede nneme ye mme owo emi ẹkade nsio nsio ufọkabasi ẹnyụn̄ ẹtode nsio nsio itie, ana itịn̄ se ibehede mmọ kiet kiet. (1Ti 2:4) Nnyịn iyokop inemesịt, iyonyụn̄ ikeme ndikpep mme owo akpanikọ edieke imehede ye nsio nsio n̄kpọ emi Bible ekpepde inyụn̄ idiọn̄ọde ‘nditịm nsiak ikọ akpanikọ.’—2Ti 2:15.